Knops: Entrante diabierna, Hulanda ta stop ayudo pa esnan mas vulnerable na Aruba, Corsou y St Maarten

DEN HAAG – Entrante diabierna 1 di October, tur e islanan di Reino Hulandes, (incluyendo Aruba) mes ta bira responsabel pa e cuido di esnan mas vulnerable den comunidad. Asina secretario demisionario di estado Hulandes Raymond Knops ta bisa Tweede Kamer den un carta. E ta bisa si cu eventual ayudo financiero adicional, paisnan en cuestion por haci peticion pa mas ayudo di likides, despues cu esaki keda procesa via nan presupuesto. 

Esaki ta nifica awor cu tur ayudo fuera di e ayudo di likides, ta pa responsabilidad di Aruba y e otro islanan mes, y no mas via Hulanda. Esey kier men cu nos mes tin cu bay financia y percura pa e grupo vulnerable.  Ora cu e crisis di pandemia a dal, Hulanda mesora a asisti cu programa di cuminda, unda cu e islanan no por a yuda mesora. Awor cu e emergencia agudo a keda alivia, y e cuido a wordo asumi pa e islanan, Knops ta bisa di tin tur confiansa cu e respectivo islanan mes lo haci e trabou aki. Cu recuperacion di turismo, e economia tambe a mehora y menos hende lo mester awor haci uso di e ayudo di cuminda. Lesa e carta completo AKI.