Cuater partido ta cuminsa negosha porfin pa forma possible gobierno Hulandes

DEN HAAG – Despues di 6 luna di intento di formacion di un gobierno Hulandes nobo, porfin un informador (Johan Remkes ) a haya 4 partido pa sinta na mesa y negosha. Ta trata di partidonan  VVD, D66, CDA y ChristenUnie cu ta dispuesto pa sinta na mesa. Pero e informador a sugeri pa e otro partidonan tambe mester haya un chens. Ta trata di PvdA, GroenLinks, Volt, SGP y Fractie Den Haan.  Pero e partidonan ey a bisa caba cu nan no tin gana y ta bay oposicion. 

ELECCION NOBO

E hecho cu e partidonan aki por papia cu otro, no ta nifica cu cos ta keda cla. Awor partidonan tin cu busca otro y haya  un Plataforma y formula un programa di gobernacion. Si esaki no logra, e posibilidad pa un eleccion nobo, ta bira mas realistico. Pues e 4 partidonan aki no por faya, sino tin eleccion nobo atrobe.