PAHO: Aruba riba lista di paisnan cu aumento substancial di morto pa Covid19

NASSAU  — Den un relato ehecutivo publica dialuna di Pan American Health Organization (PAHO), cifranan di July y Augustus di morto a mustra aumento substancial den paisnan manera Aruba, Bahamas, Barbados, Grenada y St Lucia — paisnan cu populacion entre 100 cu 400 mil hende. 

Mientras cu cantidad di casonan positivo di Covid19 ta bahando den region, e cantidad di morto causa pa e virus, ta aumentando. Entre nan tin Bahamas, unda cu entre September 1 y 29 tabatin 119 morto, 4 pa dia. Aruba tambe su casonan a cuminsa baha, pero mortonan ta sigui cay. Por corda enverdad, manera cu Noticiacla a raporta, cu luna di augustus a resulta di ta uno basta mortal. Tabata falta 6 dia den augustus unda cu ya caba tabatin no menos cu 22 morto den e luna ey. Segun director di Pan American Health Organization (PAHO)   Dr Carissa Etienne, den Caribe y Latino America 1.5 caso positivo a keda raporta y 26 mil morto. Mas den cualkier otro region rond mundo.  

VACUNA

Data colecta tambe ta mustra cu e mayoria di casonan di morto ta entre esnan no vascuna, cu un proporcion grandi di e mortonan tabatin por lo menos un caso di ‘onderligende ziekte’.