Hospital na Corsou ta para tur cuido electivo pa pashentnan di SVB te 2022

Hospital na Corsou ta para tur cuido electivo pa pashentnan di SVB te 2022

Posted on 09/29/2021 2:47 pm AST | Updated on 09/29/2021 2:48 pm AST

WILLEMSTAD  –   Curaçao Medical Center (CMC), a anunciá diaranson mainta ku mester para tur kuido elektivo spesífikamente pa pashèntnan di SVB entrante promé di òktober pa motibu ku e presupuesto di kuido ku SVB ta pagando pa 2021 no ta yega pa kubri gastunan di e pashèntnan di SVB. Lo por reanudá kuido elektivo pa pashènt di SVB na yanüari 2022 na momentu ku CMC risibí e presupuesto di e aña nobo. Kuido elektivo ta tratamentunan ku ta planiá delantá i ku no ta un emergensia. Tur sita di poliklínika lo sigui normal pa tur pashènt, inkluso esnan di SVB.

CMC a bin ta bati alarma ya mas ku 20 luna, indikando ku pa por kubri tur gastu di pashèntnan, mester apliká tarifanan di e situashon nobo di nos kadena di kuido kaminda a skohe pa un hòspital ultra moderno. E tarifanan di e lei Lb MTSV (Medisch Tarief Sociale Verzekeringen) di añanan 2000 ku ta wòrdu apliká pa traha e presupuesto no ta sostenibel i no ta yega pa kubri e gastunan aktual. E desishon pa para kuido elektivo pa pashèntnan di SVB, ta pa por baha gastu i pa asina por garantisá kuido agudo i kuido esensial na tur momentu. Ademas di e gastunan regular, den e último aña, CMC mester a kubri gastunan adishonal di COVID-19, un èkstra di ANG 13.6 mion na gastu. Alabes a realisá prestashon di kuido na pashèntnan di COVID-19 na balor di ANG 29.8 mion, kual ta sèn ku tabata destiná pa kuido elektivo. Pa loke ta trata gastunan di CMC, 75% ta gastunan fiho, pues esakinan ta keda meskos sea ta trata 1 pashènt òf 300 pashènt.

E desishon pa para kuido elektivo pa pashèntnan di SVB tin un impakto signifikante riba komunidat di Kòrsou mirando ku 85% di gastunan di pashènt ta bin di pashèntnan di SVB. E montante ku SVB a paga pa e pashèntnan aki pa 2021 a kubri te fin di ougùstùs. Na total, for di inisio di CMC, tin un diferensia di ANG 51.1 mion entre e entrada di e presupuesto ku a risibí di SVB i e presupuesto aktual di CMC. E fondonan di SVB ta basá riba e tarifanan di Lb MTSV miéntras e presupuesto di CMC ta basá riba e tarifanan nobo ku ta tene kuenta ku tur gastu operashonal di e hòspital.

E situashon finansiero aktual ku CMC ta aden ta pa vários motibu: Presupuesto di kuido ku no ta sufisiente, gastunan adishonal di Covid i otro gastunan adishonal imprevisto na inisio di e hòspital nobo. Na inisio di hòspital, gobièrnu di Kòrsou a hasi algun eskoho ku tin konsekuensia riba e likides di CMC pa un término largu. Entre otro restrukturá kadena di kuido kompletu, traha un hòspital ultra moderno, garantisá empleo di tur trahadó di SEHOS i e desishon ku e finansiamentu i pago di gastunan di konstrukshon mester bin di rekursonan di hòspital.

CMC a hasi vários esfuerso pa mantené i baha gastunan di hòspital di kual ta inkluí re-negoshá kòntraktnan vigente di material i remedi di kuido. Alabes a hasi análisis i a tuma akshon pa baha gastunan manera esnan relatá na laboratorio. CMC ta sigui den kombersashon ku gobièrnu pa por yega na un solushon pa komunidat di Kòrsou. NOTA: Texto ta scirbi na Papiamento fonetico di Corsou. Potret cortesia Dick Drayer. 

  • Na Corsou e ‘Smart Bus Stop” ta un realidad

    Na Corsou e ‘Smart Bus Stop” ta un realidad

    WILLEMSTAD - Ayera ITS Caribbean & Latin America a lansá e promé “Smart Bus Stop” aki na Kòrsou. E  “Smart Bus Stop” ta hasi biahamentu ku transporte públiko aun mas agradabel.

  • Na Corsou a cuminsa controla “QR code”

    Na Corsou a cuminsa controla “QR code”

    WILLEMSTAD - Ayera ofisialmente medidanan nobo relashoná ku COVID-19 a drenta na vigor. Un di e medidanan aki ta e uso di “QR CODE” na sitionan di rísiko haltu i kaminda tin bailamentu. Funshonarionan di e tim di kàntròl a sali kaya i a pasa na vários establesimentu kaminda normalmente sa tin aglomerashon di hende i tambe bailamentu. A indiká ku komo ku ayera tabata e promé dia, a pasa na e sitionan i wak si e kòntròl ta tuma lugá, i si e ta tuma lugá di forma korekto. Despues di ayera si lo bai kuminsá tuma medida kontra di esnan ku no ta kumpli ku e uso i kontrol di “QR Code”. NOTA: E articulo ta scirbi den Papiamento fonetico di Corsou. 

  • Na Corsou demanda 14 aña prison contra trio policial pa ladronicia

    Na Corsou demanda 14 aña prison contra trio policial pa ladronicia

    WILLEMSTAD - Fiskal a pidi un kastigu total di 14 aña kontra di tres agente polisial pa akto di ladronisia, mal uso di nan poder, i falsifikashon di prosèsverbal. Ta trata dje agentenan polisial Overman, Tomsjansen, esun femenina Dorand. E tres agentenan polisial aki ta for di e grupo di seis ku dia 6 òktober tabata den korte pa mesun akto ariba proba. E tresnan ku a basha bou promé den e kaso aki, nan kaso a keda trata kompletamente dia 6 di òktober, i ayera tabata dia pa fiskal pidi kastigu pa e tres sobra nan. E tres akusadonan aki ta ser konsiderá esnan ku ta bini ku plan pa drenta den seis (6) kas, kaminda nan sa ku tin bendementu di droga i ku tin bastante sèn kèsh presente.

  • ‘Mundu medico’ di Corsou ta hopi rabia cu nan minister di Salud

    ‘Mundu medico’ di Corsou ta hopi rabia cu nan minister di Salud

    WILLEMSTAD - E mundu médiko aki na Kòrsou no ta masha kontentu ku Minister di Salubridat, Medioambiente i Naturalesa, sra. Dorothy Pietersz-Janga, esei pa motibu di sierto ekspreshonnan ku el a hasi i ku ta peligroso. T’asina ku den kurso di ayera a sali un karta sostené pa representantenan di e mundu médiko aki na Kòrsou, manera e.o. Asosiashon di Spesialistanan, Asosiashon di Dòkternan di Kas, di Staf Médiko, Asosiashon di Profeshonalnan Médiko den Servisio i tambe Dr. Duits, i por bisa ku básikamente su koleganan ta refutá e loke el a deklará algun dia pasá.

  • Na Corsou a cambia orario di Toque de Queda pa Covid19

    Na Corsou a cambia orario di Toque de Queda pa Covid19

    WILLEMSTAD - Promé minister Gilmar Pisas a anunsiá desishonnan den kuadro di medidanan pa kontené i kontrolá Covid-19. Entrante djamars otro siman 19 di oktober e ‘toque de queda’ ta bai kuminsá un ora mas lat. Na lugá di 12’or ‘toque de queda’ ta kuminsá 1’or di mardugá i ta dura te 4:30 a.m. Sr. Pisas na algun okashon a lamentá e forma ku hendenan den komunidat ta reakshoná sin ku ni sikiera a skucha òf lesa kompletu loke gobièrnu ta bini kuné.

  • Na Corsou, homber sinta den su vehiculo a keda sefta ku bala

    Na Corsou, homber sinta den su vehiculo a keda sefta ku bala

    WILLEMSTAD - Ayera mainta Kòrsou a registrá otro kaso di asesinato. Di seis pa aña 2021. E homber ku tabata sinta den su vehíkulo a keda sefta ku bala.Ayera mainta alrededor di dies pa dies, Sentral di Polis a haña informashon di un habitante ku e la tende zonido i dalmentu di porta di outo den e área di Tera Kòrá i a nota ku tin un vehíkulo para mei mei di kaminda. Mesora a dirigí unidat polisial na e sitio, kaminda nan a haña un SUV ku un persona di sekso maskulino aden i e tabatin herida di bala prinsipalmente na e parti ariba di su kurpa. Na e momentu ei, ainda e vehíkulo tabata sende.

  • Powered by SETAR