Politico Hulandes a keda deteni sospecha di kier planea asalto contra premier Rutte

DEN HAAG – Polis Hulandes a deteni e politico Hulandes, lider di fraccion di e partido Partij van de Eenheid, Arnoud van Doorn, riba sospecho di kier comete un atentado contra posiblemente premier Hulandes Mark Rutte. Asina e portal AD ta raporta. E la keda deteni diadomingo, unda cu e la permanece un anochi den un cel. E ta liber atrobe mientrastanto. E abogado di e politico ta mustra cu polis a actua incorecto y a haci cos cu nan no mester a haci, y cu su cliente ta inocente y tabata den cercania di e prome mandatario puro di coincidencia, na caminda pa su mama.