Wever: Aruba y Hulanda ta dividi riba e Wever-Croes norm

ORANJESTAD – Hulanda y Aruba ta keda dividi riba e tema di Wever Croes norma. ASina prome minister Evelyn Wever Croes a bisa dialuna mainta durante e conferencia di prensa. E mandatario ta mustra cu gobierno Hulandes ta haya cu Aruba mester atende cu nan asunto, y no tene cuenta cu loke ta sosode na Corsou y St Maarten. Segun e mandatario, Hulanda kier pa Aruba corta mas ainda den e salario di e directornan di compania semi gubernamental. Pero nan no ta haci nada cu esunan di p.e. Corsou y St Maarten. Como tal ta surgi un diferencia di tereno, causando asina un brain drain, cu consecuencia cu Aruba ta perde su profesionalnan pa otro islanan. Segun e mandatario e tema aki ta keda uno cu tin cu discuti ariba ainda, banda di e diferencia di opinion riba cortamento den gastonan di salud, cu 60 miyon pa aña.