Prome minister Hulandes possible blanco pa atentado of secuestro

DEN HAAG – Prome minister demisionario Mark Rutte no kier comenta riba su proteccion. Periodistanan Hulandes dialuna merdia a confronta e mandatario cu e hecho aki, debi na un noticia cu e mandatario ta hayando extra proteccion debi cu lo tin menasa di sea un atentado, of e ta un blanco pa secuestro door di crimen organisa. “Mi no ta haci declaracion riba mi seguridad” e mandatario a bisa. Pero prensa Hulandes tin fuentenan cu ta confirma e hecho aki.