Remkes: Otro siman kier saca conclusion riba formacion di gobierno Hulandes

DEN HAAG – Informador Johan Remkes ta spera di por saca conclusion otro siman di con tin cu sigui cu e formacion di gobierno Hulandes nobo. Asina e la bisa diabierna. Dialuna e ta bolbe papia cu e lidernan di VVD, D66 y CDA. E kier informa Parlamento Hulandes den curso di otro siman riba e situacion. Su trabou ta pa investiga si por saca un gabinete minoritario di un combinacion di partidonan VVD, D66 y CDA. E coalicion aki mester traha hunto den un forma constructivo y fertil. Tabata 6 luna pasa cu Hulanda a tene nan eleccion pa Tweede Kamer.