Irma Gordon lo fungi como Alto Comisario suplente na lugar di Vanessa Tjon

ORANJESTAD – Aruba tin un Alto Comisario temporal nobo. Sra Irma Gordon a bira e Alto Comisario suplente, awor cu e Korpschef Vanessa Tjon-Kock a baha despues cu su casa Rocco Tjon a bira minister di Husticia recientemente. Manera ta conoci, entre nan dos, a dicidi cu e Alto Comisairo ta baha, pa asina kita tur duda di possible conflicto di interes cu e nombracion di Rocco Tjon, como minister. Segun e prome mandatario Evelyn Wever recientemente den un programa di Noticiacla LIVE, e la bisa e periodista Tito Laclé, cu si e pareha no a tuma e paso ey, sr Tjon lo no por a bira minister. No ta conoci si sra Gordon lo keda e Alto Comisario suplente pa duracion di e gabinete Wever Croes II, of si ta bay busca un reemplasante permanente. Esaki pasobra a bisa cu sra Tjon lo a baha ‘pa duracion di e gabinete Wever Croes II”, pues por compronde cu esey lo ta algo temporal. E siman aki sra Gordon a participa den su prome actividad como suplente, ora cu hunto cu minister Rocco Tjon, a otorga cerficado na 14 polis recien gradua.