Na Corsou un scol completo ta cera pa motibu di Covid-19

WILLEMSTAD - Situashon di COVID-19 riba nos isla ta parse di ta bolbe sali for di man, despues ku último dianan kasonan a oumentá. E oumento di kasonan di COVID-19 a yega den skolnan atrobe, kaminda mester sera un skol kompleto. Ayera nochi gobièrnu a informá ku e skol di fundeshi Prins Bernard na Lagunillasweg ta será for di awe 24 di sèptèmber te ku 4 di òktober. Direktiva di Skolnan públiko a indiká ku esaki ta pa motibu di prekoushon di COVID-19. Ta spera tur alumno bèk na skol riba djaluna 11 di òktober despues di vakashon. Pues por bisa ku e skol ta será pa dos siman (inkluyendo vakashon).

Tin mas situashon di COVID-19 ku ta asotá skolnan. Un skol den área di Zuikertuintje e siman aki tambe a disidí pa laga un klas keda kas pa haña lès te otro siman. Naturalmente despues di otro siman tin vakashon. Pues p’e klas aki tambe skol ta kuminsá dia 11 di òktober.

Pues COVID-19 a bolbe drenta skolnan for di aña pasa ku esei tabata e kaso. Despues ku a por a kontrolá e situashon na skol, a indiká ku no mester sera skol kompleto òf klas kompleto si tin muchanan kontagiá òf mester bai den karentena. Ta parse ku awor e situashon ta hopi grave ku a bai na sera un skol kompleto, i tambe laga muchanan sigui lès for di kas, na un otro skol. NOTA: E texto ta scirbi den Papiamento fonetico di Corsou.