Awe nochi Ley di cacho y su problemanan ta tema den Noticiacla LIVE

ORANJESTAD – Awe nochi e conocido veterinario di gobierno drs Irene Croes lo ta invitado di e programa Noticiacla LIVE unda cu lo trata e problema di cacho di caya. Entre otro, e funcionamento di e Ley di Cacho, kico ta e problema cu ainda e no por funciona manera mester ta, e Centro di Cacho, y tur otro aspecto cu ta un problema di cacho na Aruba. Hopi pregunta lo haya contesta, y pesey ta invita bo pa bo no perde e programa aki. Hasta pa esnan cu no ta gusta cacho, e programa aki ta importante pa asina sa pakico ta importante pa tur hende ta conciente y  yuda cu e problema grandi aki na Aruba. E programa ta cuminsa pa 9’or di anochi riba e plataformanan di Noticiacla, manera website, Facebook y e app.