Na Corsou Ruisandro Cijntje a huramenta como minister di Desaroyo Economico

WILLEMSTAD - Finalmente i ofisialmente gabinete Pisas tin un minister enkargá ku e kartera di Desaroyo Ekonómiko den persona di Ruisandro Cijntje. Despues di a pasa e trayekto di ‘screening’ sin problema, sr. Cijntje ayera mainta a akudí na despacho di Gobernador di Kòrsou, Su Ekselensia sra. Lucille George-Wout, pa su huramentashon.

Despues di a huramentá sr. Cijntje a ekspresá su promé palabranan na prensa lokal komo titular di MEO bisando entre otro ku riba un eskala grandi e tin intenshon di bai na stimulá ekonomia di Kòrsou ku tin tantu mester di esaki. Tambe un dje opstákulonan di semper ku ta burokrasia tambe e tin pensa pa hasi algu na dje. For di su palabranan por a dedusí ku e mandatario nobo aki lo bai tin un aserkamentu nobo tambe i ku e lo bai kòrta drástikamente den “red tape”, kual ta algu ku tin e pais aki strangulá pa hopi tempu. NOTA: E texto ta scirbi den Papiamento fonetico di Corsou.