Premier Wever lo topa cu premiernan di Hulanda, Corsou y St Maarten na New York

ORANJESTAD – Awe prome minister Evelyn Wever Croes ta sali pa New York pa topa colega prome ministernan di Hulanda, Corsou y St Maarten y ta presente na e Asamblea General di Nacionan Uni. “  Tur anja - desde 2018 - mi ta participa na e Asamblea General di Nacionnan Uni” e mandatario a bisa noticiacla awe mainta. “Ta un oportunidad unico pa presenta e esfuersonan y logronan di Aruba como pais chikito, riba varios tereno. Entre otro desaroyo economico sostenible, integridad, genero, medio ambiente, energia” e mandatario a sigui bisa.

BEST PRACTICES

Segun e mandatario, esaki tambe ta un bon oportunidad pa conoce ‘best practices’ di otro paisnan. E ta wak cu principalmente e ta un gran oportunidad pa aplica pa sosten y si por, financiamento di proyectonan riba e diferente terenonan aki. “ Aruba tin un relacion bon y duradero cu Nacionan Uni y nos ta sigi traha riba e relacion aki” e mandatario a sigui bisa. “ Durante mi biahe como parti di e delegacion di Reino, lo mi tin varios reunion bilateral, mi lo hiba palabra na diferente sesion y hunto cu Premier Rutte di Hulanda, nos lo reuni cu Secretario General di Nacionan Uni sr. Guterres” e mandatario a sigui bisa. 

REEMPLAZO

Durante su ausencia di Aruba, minister Xiomara Maduro lo fungi como prome minister interino, mirando cu sr Ursell Arends tambe ta den exterior cu vacacion actualmente, cu tabata programa caba. NOTA: E potret ta di archivo di noticiacla di un bishita anterior di prome minister na Nacionan Uni.