CAFt: Elimina presupuesto di TIO y e contribucion pa SVB

ORANJESTAD – E colegio di supervision financiero CAft kier pa gobierno elimina e presupuesto di e ayudo cu mester a reemplasa FASE, esta Tijdelijke Inkomensondersteuning (TIO) completo. Den e reaccion riba e presupuesto recien aproba di 2021, CAft ta bisa cu como un di e 5 recomendacionan, e kier pa gobierno reduci e presupuesto di TIO na cero, (nan ta menciona nihil). Pues pa e no tin un presupuesto pasobra no ta kere cu e ta necesario, debi cu e situacion ta mehorando. Un otro sugerencia cu nan ta haci, ta pa reduci e contribucion na SVB completamente. 

SVB

Pa loke ta SVB, e director sr Edwin Jacobs a splica e portal aki (noticiacla) cu den epresupuesto inicialmente a premira cu e situacion financiero di SVb lo a bira di tal forma cu SVb lo no tabata tin likides suficiente pa cubri su gastonan. Den tal caso, gobierno lo mester a contribui cu likides na SVb. Mientras tanto nos economia ta recuperando sorprendentemente na un velocidad mas halto cu nos proyeccionnan tabata. Esaki a conduci cu e entradanan di nos fondonan a keda na un bon nivel y  cu lo no ta necesario mas e contribucion di gobierno. “Na esaki mi ta supone cu e recomendacion di Caft ta referi” sr Jacobs a sigui splica.

RECOMENDACIONAN

Den e reaccion ademas, CAFt ta pidi pa gobierno procesa e medidanan adicional cu ta compensa e reduccion di loonbelasting cu medidanan structural cu ta spaar y of ta aumenta entrada, y haci esaki den e cambio di presupuesto. Tambe ta pidi pa reduci e post di goederen en diensten, di acuerdo cu e cifranan di realisacion di 2020 y 2021.  Ademas nan kier pa gobierno reduci e espacio extra di vacatura di 8 miyon, y tuma e medidanan di e BVP y procesa e efectonan financiero di esaki den e presupuesto. Lesa e relato completo AKI