Hues ta inspecciona celnan di hende muhe na KIA awe mainta

ORANJESTAD – Awe mainta Hues ta bay bishita KIA, e seccion di e damanan preso pa determina si realmente e situacion humanitario ta manera abogado mr. Chris Lejuez, representando e sospechoso dama Linda Brete a sen?ala siman pasa. Asina matutino Bon Dia Aruba ta raporta awe mainta.

Siman pasa e dama Linda Brete a presenta den Corte pa e caso penal contra dje, caminda e ta wordo sospecha di estafa di mas cu 1 miyon Florin di placa di fondo di pensioen di Astec. E caso a keda posponi pero abogado mr. Lejuez a pidi Hues pa suspende detencion di e sospechoso Brete. E abogado a mustra Hues cu e situacion na KIA ta inhumano. Na opinion di e abogado, no ta prome biaha cu ta reclama esaki den Corte. El a mustra cu no tin un seccion di muhe. Loke tin awor aki ta un cel pa tur hende muhe. Desde cu un grupo di preso a kima un seccion na KIA, a uza e parti di hende muhe pa pone presonan hende homber. E cel di muhe ta riba un beerput y ta hole masha stinki mes. E abogado a sigui bisa cu gerencia di KIA ta consciente di esaki y a duna e muhenan un mascara pa tapa nanishi y boca. E sospechoso Brete a bin cu e mascara pa mustra den Corte. E abogado a mustra cu den e cel tin dos ban?o, pero un so ta traha bon. E otro toilet mester hinca man den e baki pa asina por flush. Segun e abogado, e por a compronde cu tin rumornan ta circula cu lo bolbe bay cende candela den KIA. El a bisa tambe cu no tin suficiente cuidado di preso den KIA. E situacion ta asina serio cu Brete a contagia cu bacteria den su boca. Por a mira cu Brete tabata yora ora cu e abogado tabata splica e situacion na Hues. Bon Dia Aruba por a compronde cu tin 7 muhe cera na KIA actualmente y tur ta den un cel.

FISCAL TA REACCIONA

Fiscal a bisa Hues cu door di e candela cendi pa presonan, tin un situacion di emergencia den KIA. Esey ta haci cu mester atende cu e situacion manera e ta. No ta asina cu Aruba tin un prizon di reserva. No por bay huur celnan na Venezuela of Colombia. Curac?ao su celnan ta yen. Na opinion di Fiscal, e abogado ta pretende cu e situacion ta peligroso y cu mester laga tur e muhenan deteni liber. E abogado no a presenta ningun documento pa demostra e situacion penoso manera e ta bisa. Fiscal no ta haya cu door di situacion den KIA mester laga e sospechoso cu a estafa durante 5 an?a largo, liber.

HUES KIER BAY KIA

Hues a bisa cu awe mainta 10or, e lo bay KIA y despues e lo tuma decision riba Brete. E kier mira si di berdad e situacion ta manera abogado ta trece padilanti. Tur cos ta depende di e situacion reinante den KIA, si ta laga Brete liber of no.