- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
- E careda di ciclista ‘12 Hours di Aruba’ ta bolbe na 2024!
- Coredornan di Aruba ta cla pa e marathon di Londen pa diadomingo
Abogado Illis: Rapport financiero ta mustra cu Paesch no a laba placa
ORANJESTAD – E apelacion den caso penal Ibis cu ta inclui ex minister Paul Croes y su señora a sigui diamars merdia despues cu a pospone esaki algun siman atras. Motibo tabata discrepancia den e parti financiero di e caso y cu mester a investiga un rapport financiero. Awe Hof a mutra cu tin diferente reaccion di recherche riba e rapport financiero di e expertonan accountant cu a señala fayonan den calculacion.
MINISTERIO PUBLICO
OM a bisa cu a keda proba cu a laba mas di 209 mil florin di negoshi di casa di e ex mandatario esta Melony. For di e investigacion financiero a constata cu e circulacion di placa tabata dudoso. Ta mustra cu Melony mes a declara cu e no sa con e calculacion di placa ta sosode. E ta manda su recibonan pa su accountant. Segun OM, a base di e accountant, a haci investigacion y a constata mas di 209 mil florin di mas. E ta gasta mas cu loke tin di entrada. A mustra cu den prome instancia, Melony a bisa cu e ta di acuerdo cu e investigacionan haci. OM a conclui cu Paesch (Melony) tabatin sumanan grandi cu no por splica, pues mas cu 209 florin di mas cu e administracion ta mustra. Esey ta crea sospecho di labamento di placa segun OM.
ABOGADO
Segun Abogado Demis Illis, ta acusa su client Paesch cu el a laba 209 mil florin. Pero Paesch ta desmenti di a laba placa manera OM ta pretende. A mustra cu e investigacion cu belasting a haci den corte, a keda dicidi cu no tin indicacion di labamento di placa. E ta haya cu Paesch a duna splicacion riba entradanan y cu tin entradanan legal cu por wordo verifica. Pesey a laga traha un rapport di accountant. Investigacion di accountant ta mustra cu tabatin fayo di OM den calculacionnan. Door di esey, OM admiti di a haci fayo y a baha e suma di 209 mil florin te na 111 mil florin. Segun e abogado, OM ta pretende cu Paesch no a haya ganashi manera e ta mustra. Ta a base di riba demanda, tabata bende telanan cu a crea ganashi. E 111 mil florin cu OM ta pretende di laba placa ta pasobra segun OM, e negoshi di Paesch no por a produci e suma aki. Pero tin entradanan for di fuentenan legal y no por papia di labamento di placa.
Corte: Caso ‘Isla di Oro’ ta sigui fin di luna awor, cu mesun huez
ORANJESTAD – E caso riba proyecto Isla di Oro, cu a para ora cu a purba ‘wraak’ of destitui e huez en cuestion, ta continua fin di e luna aki, esta dia 29 di April proximo. Tabata dialuna cu corte a dicidi cu e peticion pa ‘wraak’ e huez, no ta valido y como tal e huez por continua trata e caso sin mas. For di informacion cu noticiacla a haya, ta mustra cu e caso lo no dura mucho largo mirando cu tabata practicamente na final di e tratamento, cu e peticion di ‘wraak’ e huez a keda solicita. E caso lo cuminsa pa 2’or y mei di atardi.
Corte a rechasa peticion di gobierno pa kita (wraak) huez di caso Isla di Oro
ORANJESTAD – Corte dialuna (tres huez) a dicidi cu e huez cu tabata trata e caso sumario entama pa Parke Arikock contra di proyecto na ex Isla di Oro, por keda trata e caso aki. Cu esaki e ta rechasa e peticion di parti di Gobierno di Aruba pa destitui y reemplasa e huez en cuestion di e caso en cuestion, A.vd L, di e caso, na Hulandes conoci cu e termino di ‘wraken’. Cu esaki, e caso por continua awor cu e huez en cuestion tratando esaki. E abogado di gobierno a demanda pa e huez en cuestion keda destitui di e caso, debi cu tabata parce cu e huez lo a mustra parcialidad pa cu e caso. Ora cu tin un situacion asina, e abogado por pidi pa kita e huez, osea ‘wraak’ e huez.
OM: Awor Aruba tin hende certifica den Terapia di famia multi dimensional
Abogado Gomez: Leynan pa castiga abuso di bestia, ta deficiente
ORANJESTAD – Leynan y castigonan consecuente pa castiga matralto di animal (mascota) ta hopi deficiente. Asina abogado mr Lincoln “Dello” Gomez a constata e fin di siman aki. Segun e abogado, e ta referi na e caso di e cacho cu a conoce un maltrato cu a conduci na su morto finalmente. Cu esaki pueblo a pidi castigo pa e persona aki. Pero segun e abogado, e ta keda desapunta cu e leynan cu tin den un caso semejante. E abogado ta splica den e video.
Manera anticipa pa Noticiacla: Ex minister Besaril a recobra su libertad
ORANJESTAD – Manera cu Noticiacla.com a informa un dia prome, awe diabierna ex minister Guilfred Besaril a recobra su libertad, despues di tabata deteni pa 24 dia. Diahuebs e portal aki a informa cu Ministerio Publico no ta bay pidi pa prolonga e detencion di e ex minister, a lo menos cu Huez Comisario dicidi otro. Den e caso aki, e HC a opta pa bay cu OM, y a laga sr Besaril den libertad. Esey no kier men cu e ta liber di tur cargo, sino cu e no mester ta encarcela mas mientras cu e investigacion den e caso Tulipan ta sigui. E ta wordo acusa di entre otro malusa su funcion di minister, malversacion y estafa tempo cu e tabata den funcion na Hulanda como minister plenipotenciario durante e prome gabinete Wever Croes.
Ex minister Besaril por recobra su libertad diabierna
ORANJESTAD – Diabierna awor (8 di maart) ex minister Guilfred Besaril por recobra su libertad atrobe. Esaki despues di a sinta su dianan den pre aresto. Ministerio Publico diahuebs a confirma pa Noticiacla cu e periodo di 16 dia encarcelacion ta termina diabierna awor, y no tin intencion di pidi prolongacion.” OM no a pidi pa e sigui den detencion, dus una vez su termijn ta cla, hoogstwaarschijnlijk e lo bay den libertad” e vocero Ann Angela a sigui bisa. Esey no ta nifica cu e investigacion a termina. “ E investigacion ta sigui cana” Angela a sigui bisa. Ta solamente cu e termino stipula ta vence. Si e Huez Comisario sinembargo dicidi di prolonga esaki un biaha mas, e lo bira pa 60 dia. Pero mester bisa mesora, cu si esaki ta e caso mes, no ta nifica cu e ex mandatario tin cu keda sinta tur e 60 dianan.
Follow NoticiaCla
