Deportista Rechenell Statie: Un gobierno no por crea un sociedad fuerte su so!

Posted on 09/21/2021 10:51 am AST | Updated on 09/21/2021 10:56 am AST

ORANJESTAD – E hoben deportista Rechenell Statie cu a accidenta gravemente cu Bicicleta 4 aña pasa, a presenta un discurso dialuna atardi na occasion di e huramentacion di e 8 ministernan di gabinete Wever Croes II. E tema tabata “E vision pa mi pais” unda cu e ta toca e aspecto di bida cu e kier wak pa su pais. Gobierno a opta pa laga e papia, mirando e fe cu e hoben aki tin pa biba, cu a pone sigui cu su lucha pa ta bek riba pia. 

Awendia, e hoben ta bayendo scol bek, den rolstoel si, pero den proceso pa rehabilita. Segun e hoben, “nos tur tin cu duna di nos parti”. E ta sigui bisa cu un gobierno no por crea un Sociedad fuerte su so. Cada ciudadano mester duna di su parti pa logra esaki. E pandemia cu a dura mas di loke mundo a pensa, a siña nos cu ta hunto so nos ta logra. Progreso y stabilidad real ta depende di cada hende cu ta biba riba nos dushi baranca. Awo mas cu nunca, nos mester bin hunto pa mustra cu nos por logra yega na e Aruba cu nos kier mira bek. 

“Mi vision pa mi pais, ta bo vision pa nos pais. Nos vision mester ta comun” e ta sigui. “  Nos a pasa hunto den un pandemia cu pa nos tur tawata devastador. Nos tur a bay atras. Pero, nos tur a siña cu ta hunto so nos mester cana bay padilanti. Hunto so nos por crea prosperidad pa nos mes, pa nos pais. Nos tur tin un parti importante pa hunga den e progreso di nos pais. Y nos gobierno tin e deber y responsabilidad di promove maneranan nobo pa traha, facilita reformanan y monitorea e progreso cu cada ciudadano a aporta na dje”, Statie ta sigui bisa. Lesa e discurso completo AKI

 

 

  • Investigacion ta continua riba caso di DJ cu a ‘cai di piso’ y muri

    Investigacion ta continua riba caso di DJ cu a ‘cai di piso’ y muri

    ORANJESTAD – E investigacion riba e morto di e homber DJ Venezolano na Aruba ta tumando lugar. Asina minister di husticia Rocco Tjon a informa diasabra pa medio di un comunicado.  E mandatario ta bisa mes momento si cu  sinembargo, na e momentonan aki no por divulga ningun informacion pa asina no stroba e proceso hudicial.Na mesun momento, e mandatario ta pidi cooperacion di comunidad pa no stroba e proceso hudicial y tambe ta pidi cooperacion di cualkier persona cu por tin informacion valioso y cu por yuda resolve e caso pa porfabor tuma contacto cu e “Tip Line” di KPA na 11141 y lo percura pa esaki keda completamente anonimo. 

  • Aruba ta registra 11 caso positivo nobo di Covid19 awe

    Aruba ta registra 11 caso positivo nobo di Covid19 awe

    ORANJESTAD - Segun resumen di awe 18 persona a recupera y un total di 11 caso nobo di COVID-19 a keda registra di cual 3 ta no- residente. E cifranan aki ta representa un 'Positivity rate' bou di nos residentenan di 5%. E cantidad di casonan activo di COVID-19 pa awe ta 149 y cantidad di fayecidonan relaciona cu COVID-19 ta 171. Datos ta ilustra casonan nobo di COVID cu un average semanal di 13 caso pa dia y un averahe di 'positivity rate' semanal di 8% pa dia.

  • Stichting Ambiente Feliz ta un fundacion cu curason

    Stichting Ambiente Feliz ta un fundacion cu curason

    ORANJESTAD - Un fundacion cu curason ta consisti di trahado cu tin pasion pa nan trabou. Trahado cu ta yena cu energia y ta inspira otro. Cu ta dedica na nan trabou y e clientenan.    Awe e fundacion kier presenta 3 persona cu pasion pa nan trabou y cu amplio experiencia, cu kier comparti kico e trabou ta significa pa nan, pa e calidad di cuido di e cliente y con comunidad di Aruba por aporta. 

  • Aeroliña Colombiano Viva Air cu interes pa bula pa Aruba

    Aeroliña Colombiano Viva Air cu interes pa bula pa Aruba

    BOGOTA – E aeroliña Colombiano di costo abou Viva Air, cu ta parti di Grupo Viva, a haci peticion pa cuminsa bula for di Colombia pa Aruba. E aeroliña ta uno relativamente hoben cu a wordo funda na 2008 y a inicia operacion na mei di 2012. Ora cu Noticiacla a acerca Jo Ann Arends, Air Service Development Manager na aeropuerto di Aruba, esaki a confirma cu enberdad e aeroliña a haci e peticion pa e ruta, pero no tin confirmacion ainda. “Nos tabatin comunicacion hopi di cerca cu e aeroliña desde 2018”, sra Arends a sigui bisa. Dentro di e proximo dos siman nan lo reuni cu otro atrobe. Mientras cu e no por a confirma for di cua ciudad e aeroliña tin intencion di cuminsa bula pa Aruba, e portal aki a compronde cu nan base ta na Medellin. 

  • Aruba a registra un morto mas y 14 caso positivo di Covid19 awe

    Aruba a registra un morto mas y 14 caso positivo di Covid19 awe

    ORANJESTAD - Segun resumen di awe  17 persona a recupera y un total di 14 caso nobo di COVID-19 a keda registra di cual 2 ta no- residente. E cifranan aki ta representa un 'Positivity rate' bou di nos residentenan di 8%. E cantidad di casonan activo di COVID-19 pa awe ta 156 y cantidad di fayecidonan relaciona cu COVID-19 a aumenta na 171. Forsa na famia di e fayecido. Datos ta ilustra casonan nobo di COVID cu un average semanal di 12 caso pa dia y un averahe di 'positivity rate' semanal di 9% pa dia.

  • Crisis Team y SMAC ta aproba prome fiesta bailabel pa Aruba

    Crisis Team y SMAC ta aproba prome fiesta bailabel pa Aruba

    ORANJESTAD – Crisis Team y SMAC a aproba pa e prome fiesta bailable tuma lugar despues di un aña y mei debi na e pandemia y ta tuma lugar dia 13 di november proximo. Ta trata di un fiesta den ballroom pa 250 pareha cu mester ta sea vacuna of por a presenta un test negativo di covid19 na entrada. Manera ta conoci, pa mas di un aña y mei a prohibi tur fiesta bailabel debi na e pandemia y no tabatin oportunidad mas pa balia. Como tal awor a dicidi pa haci un fiesta di prueba, cu bista riba carnaval, completo cu banda live y manera e nomber ta bisa, por balia. E portal aki a compronde cu esaki ta den tono carnavalesco, mirando e cercania di e fecha di 11-11, cu ta e inicio di e temporada di Carnaval. Di otro banda, a compronde cu mirando cu no a tene actividad carnavalesco e aña aki pero si a haci apertura di carnaval aña pasa, e apertura ey ainda ta vigente. 

  • Powered by SETAR