Gobernador interino a firma retiro di ministernan actual y nombramento di ministernan nobo

Gobernador interino a firma retiro di ministernan actual y nombramento di ministernan nobo

Posted on 09/20/2021 12:13 pm AST | Updated on 09/20/2021 12:15 pm AST

 

ORANJESTAD - Na Gabinete di Gobernador di Aruba, riba dialuna 20 di september 2021 durante oranan di mainta a tuma luga e firmamento di e decretonan nacional, esta landsbesluitnan, di retiro di e ministernan cu ta renuncia y e landsbesluitnan di nombramento di e ministernan nobo cu ta asumi nan puesto. Esaki a tuma luga door di Gobernador Interino di Aruba, Su Excelencia Yvonne Laclé-Dirksz, y e minister-president saliente y entrante, señora Evelyna Wever-Croes.

Decretonan nacional retiro ministernan den funcion

Primeramente Gobernador Interino a firma e decretonan di retiro di e ministernan demisionario. Na su turno, señora Wever-Croes tambe a firma e landsbesluitnan den su funcion como minister-president saliente.

Decretonan nacional retiro y nombramento minister-president

Seguidamente Gobernador Interino a firma e landsbesluit tocante tanto e retiro di minister-president saliente como nombramento di e proximo minister-president. Mirando cu ta trata di e mesun persona, señora Wever-Croes tambe a firma e landsbesluit aki dos biaha: prome den su funcion como minister- president saliente y despues den su funcion como proximo minister-president.

Decretonan nacional nombramento ministernan nobo

Finalmente Gobernador Interino a firma e landsbesluitnan di nombramento di e ministernan nobo. Na su turno, señora Wever-Croes den su funcion di proximo minister-president, tambe a firma e landsbesluitnan aki.

Huramentacion

Minister-President y e otro ministernan di Gabinete Wever-Croes II lo huramenta awe dialuna 20 di september pa 5:30 or di atardi na Cas Ceremonial di Gobernador den presencia di Gobernador Interino di Aruba, Su Excelencia Yvonne Laclé-Dirksz.

Minister plenipotenciario

E gabinete nobo Wever-Croes lo tuma un decision pa loke ta trata e puesto di minister plenipotenciario.

  • Gobierno lo facilita famia di DJ cu a fayece, pa despedi di dje na Aruba

    Gobierno lo facilita famia di DJ cu a fayece, pa despedi di dje na Aruba

    ORANJESTAD – Gobierno di Aruba lo facilita e proceso pa trece famianan di e DJ Lousville cu a fayece recientemente na Aruba,pa nos isla pa nan por ta presente pa por despedi di nan ser keri. Asina minister di husticia Rocco Tjon a informa diasabra mainta pa medio di un comunicado. Tabata un siman pasa cu e famianan a haci un peticion dramatico via rednan social pa por a biaha pa Aruba pa por ta cu nan ser keri. A bisa specificamente cu nan no kier placa, sino kier permiso pa drenta Aruba (for di Venezuela) pa por ta na Aruba. “ Ministerio di Husticia y Asuntonan Social ta den contacto cu famia di e fayecido cu ta den exterior y lo facilita e proceso pa por trece e famia Aruba, pa asina nan por ta na Aruba pa por despedi di nan ser keri” e mandatario a bisa den su comunicado.  

  • Wever: Gobierno ta sigui busca forma pa reduci gasto di AZV sin perhudica pueblo

    Wever: Gobierno ta sigui busca forma pa reduci gasto di AZV sin perhudica pueblo

    ORANJESTAD - Gobierno ta sigui busca forma pa reduci gasto di AZV sin perhudica pueblo . Asina gobierno ta bisa den un comunicado diabierna. Segun e prome mandatario, algun miembro di Parlamento di Hulanda (Tweede Kamer) a expresa cu si islanan di Caribe Hulandes no cumpli cu acuerdonan di “landspakket”, Hulanda mester dicidi si ta sigui cu e ayudo of no. Prome Minister Evelyn Wever-Croes a splica cu e situacion di Aruba no ta asina cu no ta den cumplimento, pero ta reconoce cu tin algun reto cu ta atendiendo directamente cu Gobierno Hulandes cu ne. Un di e retonan aki ta e cortamento di 60 miyon florin den fondonan di cuido medico.  

  • Gobierno sondeando alternativa pa situacion di aumento di prijs di fleta

    Gobierno sondeando alternativa pa situacion di aumento di prijs di fleta

    ORANJESTAD - Premier Evelyn Wever - Croes a duna di conoce diahuebs di a ricibi peticion di parti di comercio pa introduci cambio den e sistema di ‘invoerrechten’ cu Aruba tin aworaki cu ta: Cost, insurance, and freight (CIF) E peticion di comercio ta pa cambia esaki pa: Free on Board (FOB). Si introduci e cambio aki, e gastonan di fleta (freight) no ta bay hunga un rol asina grandi den determina e impuesto cu tin cu paga. Balor di impuesto ta baha y consecuentemente ta paga menos pa e derecho di importacion. 

  • Presupuesto pa aña 2021 lo tin un deficit di 140 miyon menos

    Presupuesto pa aña 2021 lo tin un deficit di 140 miyon menos

    ORANJESTAD - Anticipando riba e cambio di Presupuesto 2021 di nos Pais, Minister Maduro di Finansa a manda informa Parlamento den e 'Najaarsnota 2021' riba e cambionan cu a presenta despues cu a aproba e Presupuesto pa e aña. Segun e mandatario, importante pa menciona ta cu e deficit premira pa aña 2021 ta 140 miyon florin mas chikito. Pa aña 2021 a premira un deficit di 762 miyon florin cu awor lo baha y bira 622 miyon florin.

  • E planta di RWZI na Bubali ta un peliger pa turismo y medio ambiente

    E planta di RWZI na Bubali ta un peliger pa turismo y medio ambiente

    ORANJESTAD – Durante un presentacion extenso duna dialuna mainta pa personal di DOW den conferencia di gobierno, a bin dilanti e realidad duro di e planta di purificacion conoci como e Riool Water Zuiverings Instalatie, (RWZI), primordialmente esun Bubali. Loke a sali afo ta cu mester reemplaza esaki mas lihe cu ta possible, pero cu no tin fondo aworaki. Pesey e mandatario di medio ambiente a sigura cu ta trahando riba un asina yama ‘business case’ pa haya fondo pa crea e planta nobo. 

  • Wever: Aruba lo ta cla na tempo cu e LNT conforme palabracion RMR

    Wever: Aruba lo ta cla na tempo cu e LNT conforme palabracion RMR

    ORANJESTAD – E Ley Normering Topinkomen (LNT) pa loke ta Aruba ta den un estado hopi avansa, pues no ta mira motibo pa no cumpli cu e ultimatum di Hulanda di 1 di november pa tin e ley aki cla, manera cu e portal aki (noticiacla) a raporta anteriormente. Asina prome minister Evelyn Wever Croes a sigura e siman aki publicamente. Asina e ta reacciona riba e declaracion di e siman aki di secretario di estado demisionario Hulandes Raymond Knops cu a informa Tweede Kamer cu a pone ultimatum pa e islanan en cuestion riba e tema aki. 

  • Powered by SETAR