Corte lo trata contenido di caso Hato na mei proximo

WILLEMSTAD – Corte lo trata e caso Hato te na fin di mei, 28 y 29 respectivamente. Esaki pasobra tres di e 5 sospechosonan kier pa scucha extra testigo. Y hues van Dam van Isselt a bay di acuerdo cune.

SLACHTOFFERHULP

Durante e caso awe mainta, Slachtofferhulp a entrega 5 ‘claim’ di victima, cu a resulta herida durante e tiroteo na aeropuerto Hato. Cuater otro claim mester wordo traha, mientras cu abogado Dave Liqui Lung a entrega un keho tambe na nomber di un victima for di Hulanda.

KEHO

Pasobra e caso ,-pa cual a reserva dos dia-, lo a stroba otro casonan den e edificio di Corte na Wilhelinaplein mucho hopi, a desvia y a tene e caso den e K-Center na Brievengat. Un di e sospechosonan, Renaldo Martina, no a gusta esaki y como tal a nenga di hiba palabra y su abogado Stenny Ayubi-Haakmeester no a presenta mes pa e caso.

PLAYSTATION

Sospechoso Givency Maria si a papia. Mescos cu Martina, e tambe a haci declaracionnan dia 19 di november aña pasa, durante e prome session. Tin un suma ta colga riba cabez di Maria, riba orden di co sospechoso Raily Bart. Hunto cu Adrian ‘Venenu’ Martha y Judrin Martis, Bart ta presenta mayan dilanti hues. Maria a exigi awe mainta via su abogado, pa su libertad, of den todo caso, un miho condicion di ‘bida’, of traslado pa un prison na Hulanda. Maria den su cel, a pidi pa un television, un dvd player y un playstation. Pasobra comunidad lo ta den shock si laga Maria den libertad te 28 di mei proximo, van Dam van Isselt a dicidi cu e ta keda preso te e fecha ey. Raportahe di Anneke Polak, Caribisch Netwerk. Foto cortesia Yves Cooper