Fin di siman di pelicula nobo: The Movies ta lansa ‘Cry Macho’

(ADVERTORIAL)

ORANJESTAD - Ta parce cu despues di mas cu un aña di scarsedad di pelicula y cu medidanan cu tabata stroba miramento di pelicula riba pantaya grandi den teatro y cine, awo ta asina leu cu lo cuminsa estrena peliculanan nobo atrobe. E industria di pelicula a sufri hopi den e pandemia pero no a keda man crusa. A probecha pa sigui produci y awor cu e pandemia ta pasando, e peliculanan lo sali un tras di otro, pa abastece e demanda grandi di publico pa por disfruta di bon pelicula, sinta den comodidad di un cine of teatro espacioso. Un di e promenan pa lansa awe caba na Merca y na Aruba ta "Cry Macho" du e legendario Clint Eastwood. Y The Movies Aruba cu gusto ta presenta e pelicula aki na henter e pueblo di Aruba, cu opcion pa mir'e na San Nicolas, na Playa of den e districto di Noord.

"Cry Macho" ta un película di drama Mericano di aña 2021 dirigi y produci pa Clint Eastwood. Adapta pa Nick Schenk, e ta basa riba e novela di aña 1975 di e mesun nomber N. Richard Nash. E pelicula ta bay riba un strea di rodeo (Eastwood) cu ta contrata pa trece un hoben (Eduardo Minett) cu ta na México pa su tata (Dwight Yoakam) cu ta na Merca. E intentonan pa adapta e novela a tuma basta tempo y den e proceso a negocia cu varios actor pa tuma e rol di e protagonista principal. Asina por menciona cu na aña 2011, a eligi Arnold Schwarzenegger pa e película, pero finalmente a cancela e proyecto. Na aña 2020 a anuncia cu Clint Eastwood mes lo dirigi, produci y actua den e pelicula hunto cu productornan Albert S. Ruddy, Tim Moore y Jessica Meier. A produci e pelicyula na New Mexico, memey di pleno pandemia. 

E compania Warner Bros Pictures ta lansa Cry Macho den cine na Merca desde awe 17 di september 2021. Ta hopi aña cu no a mira un pelicula nobo asina di Clint Eastwood, cu obviamente no a perde su mimica di actuacion. 

E strea di rodeo for di Texas, na Merca, esta Mike Milo, a caba cu su carera despues di a sufri un lesion grave na su lomba. Di ey el a dedica su tempo y experiencia na cria y train cabay. Despues di a perde su trabou na aña 1979, su ex-hefe, Howard Polk a contrat'e pa e biaha pa Mexico y trece su yiu bek pe. E yiu homber, Rafael "Rafo" Polk, tabata biba cu su mama Leta na Mexico, pero a cuminsa biba un bida di delincuente, participando den peleanan di gay, bringando su gay yama "Macho".

Cry Macho ta pasa desde awe caba na The Movies den Renaissance Marketplace na Oranjestad, den Gloria riba Sasakiweg y den Principal na San Nicolas. Subi e website themoviesaruba.com pa check e orarionan di e pelicula na e diferente teatronan.