RIVM: Tin aumento di contagio di Covid19 entre hobenan na Aruba

AMSTERDAM – E instancia Hulandes ekivalente na DVG, esta Rijks Instituut voor Volksgezondheid en Millieu (RIVM) den su rapport di e siman aki riba Covid19, ta bisa cu Aruba a raporta un aumento den caso di contagio di Covid19 entre hobennan. Particularmente e grupo di hoben di 6 pa 12 aña di edad. A haci mencion si tambe cu pa algun siman caba hobenan tambe por vacuna contra coronavirus y cu te cu awor 53% di hoben entre 12 y 17 aña tin por lo menos 1 dosis di e vacuna.  

CANTIDAD

Segun RIVM, for di comienso di e pandemia, tin 1382 caso di contagio entre hoben mas jong cu 18 aña, cu ta 9% di e totalidad di e pueblo. Y te awor tin registra un total di 4 mucha cu a keda hospitalisa cu coronavirus di cual mitar so tabata den augustus di 2021. E isla ta raporta un aumento di e cantidad di mucha contagia cu coronavirus, entre e grupo di 6 pa 12 aña di edad. Lesa e rapport di RIVM AKI.