Mas morto y 22 caso nobo di Covid19 a keda raporta awe

ORANJESTAD - Segun resumen di awe un total di 22 caso nobo di COVID-19 a keda registra di cual 3 ta no-residente y 52 persona a recupera. E cifranan aki ta representa un 'Positivity rate' bou di nos residentenan di 7%. E cantidad di casonan activo di COVID-19 pa awe ta  306 y cantidad di fayecidonan relaciona cu COVID-19 ta 157, aunke esaki no ta registra oficialmente pa DVG. Noticiacla tin confirma cu por lo menos un dama a fayece diaranson mainta na Colombia pa Covid19. For di DVG, a compronde cu e personanan cu muri den exterior (Colombia), nan tin cu wordo registra door di AZV na DVG. Ayera mainta tabatin un caso asina y esaki no a wordo raporta ainda diahuebs. Datos ta ilustra casonan nobo di COVID cu un average semanal di 27 caso pa dia y un averahe di 'positivity rate' semanal di 11% pa dia.

HOSPITAL

Actualmente na Aruba tin 30 persona interna debi na COVID di cual den ICU tin 6 persona, riba piso general tin 24 persona y na Colombia tin actualmente 22 persona den Cuido Intensivo.