Na Corsou, CORC lo inverti 1 biyon den refineria den 3 pa 5 aña

Posted on 09/16/2021 10:51 am AST | Updated on 09/16/2021 11:37 am AST

WILLEMSTAD - Den e negosiashonnan ku CORC ta tene ku gobièrnu i Refineria di Kòrsou tin di tene kuenta ku hopi aspekto, i un di esnan prinsipal tin relashon ku e pèrmit di molèster. Tin di tene kuenta pa motibu ku ta invershonnan grandi tin di hasi na momentu ku firma. Mester tin klaridat riba e pèrmit di molèster ku ta kaduká na desèmber 2024, pasobra na momentu ku esei kaduká ta trese kuné ku tur hende por mira tur kos i lo por duna nan komentario i opheshon. Asina sr. de Freitas di e tim di CORC a duna di konosé durante nan presentashon ayera den Parlamento di Kòrsou.

Segun de Freitas, tin di tene bon kuenta pasobra na momentu ku CORC firma un akuerdo definitivo, e ta mará na sierto invershonnan mesora. I e promé invershon ta di $150 mion pa rehabilitá e refineria entre 6 pa 9 luna. Huntu ku esei CORC lo tin di traha un planta di gas na un kosto total di $275 mion. Pues na momentu ku firma, CORC ta komprometé su mes huntu ku e proyekto i su invershonnan.

Otro invershonnan tin di haber ku drechamentu dje kalidat i tambe volúmen di e produktonan. Den esaki ta papia di sigur un $800 mion. Mas ku $1 miar mester ser hinká/invertí den e refineria aki den e promé tres pa sinku añanan pa e por ta riba pia atrobe i funshoná manera mester ta.

Pero mirando ku e pèrmit di molèster menshoná ariba ta kaduká dia 31 di desèmber 2024, lo ta hopi iresponsabel pa firma huntu ku e invershonistanan ku ta pone nan plaka disponibel, i si e pèrmit di molèster no por ser trahá di nobo. Konsekuensia di esei ta ku refineria lo tin di sera su portanan, i komo tal e vishon di término largu lo bira algu di término kòrtiku.

Segun de Freitas, despues ku CORC a bai hasi un evaluashon huntu ku e tim di gobièrnu, a yega na un akuerdo ku ta akseptabel pa e grupo. Pues el a anunsiá ku CORC i su invershonistanan lo por biba ku e akuerdo ku tin awor riba mesa.

Pero no ta kla ainda, ya ku lo tin di sigui pa e siguiente fase dje trayekto. NOTA: E articulo ta scirbi den Papiamento fonetico di Corsou.

Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Mas Corsow
Lesa Mas
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Mas Corsow
Lesa Mas
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Mas Corsow
Lesa Mas
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Mas Corsow
Lesa Mas
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Mas Corsow
Lesa Mas
Cu un beca Tula, un studiante di Corsou por haci estudio di historia na Hulanda
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
Mas Corsow
Lesa Mas