Director di KIA ta pidi DRH y sindicatonan TOPA y SEPPA tene canal di dialogo habri

ORANJESTAD - Directie di Gevangeniswezen Aruba ta respeta e deseo pa reunion y nos a brinda e posibilidad pa usa facilidadnan di reunion den KIA en vez di un parkeerplaats. Asina e director Gino Winklaar a bisa noticiacla diaranson atardi como reaccion riba e accion di awe mainta. 

“ Nos di Directie a ricibi un invitacion di DRH pa un vervolg meeting pa asina nos por presenta esaki na full personal. Importante ta pa sigi dialoga y tin comprension pa tur stakeholders cu nan respectiva retonan durante e pandemia aki sin presidencia” sr Winklaar a sigui bisa.

“Directie Gevangeniswezen ta pidi pa DRH y sindicatonan SEPPA y TOPA keda cu e canalnan di dialogo habri pa asina conjuntamente nos por yega na un finalisacion di e plaatsingsprocedure di e reorganisatie di Dienst Gevangeniswezen Aruba” sr Winklaar a finalisa bisando.