DIMAS ta splica e conexion entre union civil y permiso di estadia

DIMAS ta splica e conexion entre union civil y permiso di estadia

Posted on 09/15/2021 11:54 am AST | Updated on 09/15/2021 11:55 am AST

ORANJESTAD - Dia 1 di september ultimo a wordo introduci un cambio den nos codigo civil pa loke ta trata union civil “geregistreerd partnerschap”. Cu e cambio aki DIMAS su definicion di nucleo familiar pa admision di stranhero ta wordo amplia. Loke den pasado tabata conta solamente pa parehanan casa awor ta conta tambe pa parehanan den un union civil.

KICO E CAMBIO TA NIFICA?

Segun e ley y e maneho nos ta considera cu parehanan den union civil tin e mesun derechonan cu un pareha den union matrimonial na momento di procesa un permiso. Tur e derechonan y obligacionnan cu un persona casa tin na momento di pidi un permiso lo conta tambe pa esnan cu tin un union civil. E cambionan aki ta wordo tuma automaticamente den e maneho di admision. Den caso cu e pareha den union civil separa DIMAS lo aplica e mesun maneho cu lo conta pa un pareha casa.

Den tur caso personanan den union civil lo por pidi un permiso di (re)unificacion familiar.

Na continuacion nos lo duna algun ehempel di union civil entre parehanan cu diferente status di estadia:

-E pareha di e Arubiano lo pidi un permiso di (re)unificacion familiar y lo ser permiti pa subi mercado laboral contal cu e por mustra un notificatiebrief di DPL.

-Den caso di e pareha di e persona cu tin un firma liber, permiso di director, kennismigrant of otro persona cu ta ser considera di importancia esencial pa e economia di pais Aruba. E pareha lo por subi mercado laboral na Aruba, contal cu por comproba cu a haya un evaluacion positivo di DPL, esta cu no tin obhecion pa cu su persona por subi e mercado laboral.

Actualmente DIMAS ta den proceso pa update su maneho di admision na mesun momento cu ta configurando e cambionan den e portaal nobo pa clientenan. DIMAS ta pidi su clientela pa keda pendiente pa e cambionan cu lo wordo introduci.

  • Andrade: Abogado a conseha pa no apela sentencia riba caso di portafoon di polis

    Andrade: Abogado a conseha pa no apela sentencia riba caso di portafoon di polis

    ORANJESTAD – Riba conseho di nan abogado (mr Chris Lejuez), periodista Nelson “Speed” Andrade a dicidi cu nan no ta bay apela e sentencia contra dje di 2 aña pasa unda cu nan a keda sentencia pa asunto di portafoon di polis, den caso Kinikini. Y segun Andrade, nan tambe a dicidi cu no ta bay gasta placa na defensa mas, y lo cumpli cu e sentencia di haci trabou comunitario. Asina el a declara durante su programa radial Enfoke dialuna merdia. E la sigura durante e programa, cu e no a horta radio di polis y cu na su cas nunca nan no a haya radio di polis tampoco. Sinembargo, asina mes a sentencia e periodista. E no a atende e parti ey, cu no obstante e parti cu e ta sigura cu e no tabata envolvi, toch a haya un sentencia. E ta considera cu loke Ministerio Publico a haci cu ne, door di hasta detene 2 dia, inhusto y no a sconde su rabia contra e instancia aki. “Pesey mi no tin confiansa den Ministerio Publico” Andrade a bisa. El a confirma tambe cu mientras cu e tabata den su programa, el a haya un dagvaarding pa presenta como testigo den e caso cu si ta sigui contra e polis Rasmijn mayan diamars mainta 9’or y mei. 

  • DVG: Di cada 10.000 persona no vacuna, 16 a fayece di Covid19

    DVG:  Di cada 10.000 persona no vacuna, 16 a fayece di Covid19

    ORANJESTAD - For di cuminsamento di juli 2021 di cada 10.000 persona no vacuna, 16 a fayece di Covid19. Asina departamento di salud a informa dialuna. Segun DVG, desde cu e variante Delta a haci su entrada na Aruba, hopi lihe e variante aki a causa preocupacion ora ela plama causando un brote grandi di casonan di COVID-19. 

  • Casonan positivo di Covid19 ta sigui baha, pero mortonan ta sigui cay

    Casonan positivo di Covid19 ta sigui baha, pero mortonan ta sigui cay

    ORANJESTAD - Segun resumen di awe 34 persona a recupera y un total di 26 caso nobo di COVID-19 a keda registra di cual 3 ta no-residente. E cifranan aki ta representa un 'Positivity rate' bou di nos residentenan di 22%. E cantidad di casonan activo di COVID-19 pa awe ta  259 y cantidad di fayecidonan relaciona cu COVID-19 a aumenta na 159. Forsa na famia di e fayecido. Datos ta ilustra casonan nobo di COVID cu un average semanal di 25 caso pa dia y un averahe di 'positivity rate' semanal di 12% pa dia.

  • Cifranan diario di Covid19 ta kedando relativamente abou

    Cifranan diario di Covid19 ta kedando relativamente abou

    ORANJESTAD- 19 september 2021. Segun resumen di awe 32 persona a recupera y un total di 28 caso nobo di COVID-19 a keda registra di cual 8 ta no-residente. E cifranan aki ta representa un 'Positivity rate' bou di nos residentenan di 19%. E cantidad di casonan activo di COVID-19 pa awe ta  269 y cantidad di fayecidonan relaciona cu COVID-19 ta 158. Datos ta ilustra casonan nobo di COVID cu un average semanal di 24 caso pa dia y un averahe di 'positivity rate' semanal di 11% pa dia.

  • SIMAR di Aruba y USIBO y SIMABO di Bonaire a cera protocol di cooperacion

    SIMAR di Aruba y USIBO y SIMABO di Bonaire a cera protocol di cooperacion

    ORANJESTAD – Diasabra sindidato di maestro di Aruba SIMAR y USIBO (Union Sindikal Boneriano) a firma un protocol di cooperacion, cu ta encera solaridat y union, pa sostene y fortifica otro cu e proposito pa haci uzo di tur e conocemento, experiencia y fasilidadnan, sali den un forma optimal pa e clase trahador riba teritorionan di Aruba y Bonaire.

  • Arcade Aruba by Wind Creek a habri su portanan!

    Arcade Aruba by Wind Creek a habri su portanan!

    (ADVERTORIAL)

  • Powered by SETAR