Aruba presente den Mision Comercial di Reino na Republica Dominicana

Posted on 2/23/2015, 6:27 PM AST | Updated on 2/23/2015, 6:31 PM AST

SANTO DOMINGO -  Minister Otmar Oduber, hunto cu minister Stanley Palm di Corsou  durante un mision economico organisa pa Embahada Hulandes na Replublica Dominicana a reuni cu coleganan di Reino pa asina aki trata puntonan pa e Memorandum of Understanding (MOU) entre Reino Hulandes y Santo Domingo. Oduber hunto cu Palm y secretario di estado di  Sint Maarten  a reuni hunto cu ingeniero Sr. Antonio Vargas cu ta e Director General cu ta atende cu asuntonan multi lateral, unda a conbersa riba e diferente puntonan cu lo wordo poni den e MOU cu ta bay wordo firma. 

Pa Aruba, nan ta hopi interesa den TNO cu ta na Aruba, den cuadro di kico nos ta haciendo riba e nivel di gas, pa cual nan kier haya hopi atenion pa esaki via TNO y tambe lo kier sosten di Hulanda.Pa Minister Oduber lo primordial di e bishita aki tabata pa logra haya un fluho di cantidad y calidad di fruta y berdura for di Santo Domingo, mirando cu awor aki a haci un intento pa haya un transporte maritimo for di Replublica Dominicana pa Aruba.Awor mirando cu actualmente  tin un compania Hulandes cu ta operando di Replublica Dominicana pa Aruba  2 pa 3 biaha pa luna ta haci e proceso aki uno hopi mas facil.  Loke e mandatario kier logra atraves di Gobierno ta sigura bon cantidad y calidad di fruta y berdura cu lo benificia Aruba.  Durante e encuentro aki a conbersa tambe riba e posibilidadnan pa Santa Rosa, unda ta mira e calidad pa haci negoshi cu Aruba.