Aumento explosivo di casonan di contagio di Covid19 na Surnam

PARAMARIBO – “Si sigui asina, aki algun siman nos lo bay pa codigo preto. Mi ta papia di un pa dos siman”"asina intensivista   Bernardo Panka ta describi e situacion di hospitalnan na Surnam actualmente. Cuido medico ta bou di presion pasobra tur dia tin entre 300 pa 500 casonan positivo cu ta bin acerca. Algun siman esaki tabata ainda 100 contagio pa dia.  

Suriname ta mei mei di un di 4 ola. Segun Panka, tin un presion enorme riba e capacidad di cama y e cuido medico en general. E ta splica cu e personal ta trahando overtime pa varios siman caba. “Algun ta traha minimal 16 ora pa dia. Y tin dos biaha e cantidad di cama pero cu mesun personal. Esey por sigui pa un siman of dos luna, pero esaki ta siguiendo un aña caba. Esey no por mas” Panka ta finalisa bisando.