- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Na Corsou, Corc BV pronto kier finalisa negosacionan pa opera refineria
WILLEMSTAD - E konsorsio lokal CORC BV ta spera di pronto por anunsiá di ta kla pa tuma operashon di Refineria Isla. Informashon ku EXTRA ta disponé di dje ta indiká ku tin diferente konsepto final di kontratonan riba mesa ku mester firma.
Ta trata aki di akuerdonan ku e NV-nan di gobièrnu manera Aqualectra, Curoil i KTK. Tambe tin un konsepto final di akuerdo di “lease” pa e pa e refineria inkluso e terenonan i pèrmit di molèster. E terenonan ku CORC BV lo haña den erfpacht lo no inkluí e terenonan ku Refineria di Kòrsou mes ta bai utilisá pa traha e asina “Living Lab” riba dje.
Na momento ku duna aprobashon final na e dokumentonan i regla traspaso di e terenonan pa CORC BV por ofisialisá tur kos pa medio di un akta notarial. E intenshon ta pa tene e operashonnan di e refineria i Bullenbaai huntu. E sindikatonan PWFC i APRI ku tambe ta forma parti di e konsorsio semper a pone énfasis riba esaki. Si separá e operashonnan e refineria lo sera definitivamente i hopi kupo di trabou ta bai pèrdí, nan ta bisa.
Refineria di Kòrsou for di 25 mei di e aña aki a yega na un akuerdo ku CORC BV bou di e kondishon ku e konsorsio ta kaba di atendé otro aspektonan manera otro akuerdonan ku tin ku firma manera ariba menshoná.
E partnernan brasilero ya no ta den e konsorsio mas pasobra no por a presentá ku e garantianan finansiero i di krudo nesesario. Sinembargo a haña un partner nobo di medio oriente ku si a logra duna e garantianan aki. Representantenan di e partner nobo aki ta na Kòrsou pa mas ku 1 siman kaba pa asina trata di finalisá e negosiashonnan ku e meta pa tuma operashonnan entrante 1e òktober awor. NOTA: E articulo ta skirbi den Papiamento fonetico di Corsou.
E ferry entre Venezuela y Corsou ta cuminsa opera fin di 2024
CARACAS – E plannan pa activa e ruta di ferry entre La Vela de Coro y isla di Corsou, ta sigui, pero tin un retraso temporal den su ehecucion. Asina e representante di e empresa Caribbean Fast Ferry, Iliana Martínez, a declara diahuebs na e portal El Nuevo Dia. E empresa a cuminsa cu e construccion di e waf y terminal na e zona franca di Corsou, pero un restructuracion di e empresa Hulandes a alarga e culminacion di e trabou. No obstante esey, ta premira cu pa e di tres of cuater trimester di e aña, ta inaugural e ferry. Martínez a splica cu e disposicion di e waf na e boca di Santa Ana a keda estableci pa probecha e bentaha di e mercado y cu ambos pais lo beneficia. E intencion ta pa compete cu e prijsnan di Panama. A splica cu ora cu caba completa e prome fase, cu ta construccion di e haf, lo sigui e proceso di permisonan necesario. E di tres fase lo ta pa eleva Parlamento di Corsou pa e apertura di mobilisacion di e pasaheronan. Ta premira cu e intencion ta pa e ferry transporta 86 pasahero. E intencion di e prome fase ta pa transporta solamente pawsahero, sin auto, pa despues tambe inclui auto. E intencion ta pa permiti turistanan Hulandes, cu ta bin pa temporada largo, pa duna nan e posibilidad pa bishita Venezuela asina tambe.
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Follow NoticiaCla
