Dowers: No tin problema cu overtime

ORANJESTAD – No tin ningun indicacion cu pasobra presupuesto no ta firma, polis ta reclama overtime. “Loke cu a palabra prome cu presupuesto a wordo traha, ta cu tin cu tene e nivel di overtime di polis na e nivel di 2013”. Pero esey no ta logrando pasobra e nivel di overtime ta hopi halto. Minister encarga cu husticia Arthur Dowers ta mustra cu no a corta den overtime di polis tampoco. “E overtime ta hopi halto compara cu loke bo mester a usa pa full e anja”.

Den ley di overtime di polis, ta regla cu prome ta duna time back, y si no por dentro di 2 luna, tin derecho di haye paga. Y esey a wordo cumpli cune, pasobra cu tin scarsedad di polis segun Dowers. Motibonan pa extra overtime of time back tin su factoran cu ta varia. For di casonan extra di crimen, eventonan cu tin extra y asina tin tambe eventonan cu polis no por premira.

E loke ta haciendo ta purbando pa implementa e maneho di overtime, cu no a wordo haci ainda. Ora cu cuminsa implementa e maneho di regula overtime segun presupuesto, por tin indicacion cu nan lo no wordo paga. “Y tin hende cu ta mira esey como problematico” Dowers ta finalisa bisando. Y e realidad ta cu ora cubo traha cu presupuesto, bo no tin e libertado pa surpasa esey”