Lista final di Parlamentarionan di MEP ta cla, sin Thijsen y sin Ras

ORANJESTAD – E lista di parlamentario di MEP ta conoci pa drenta Parlamento proximamente. Por lo menos 8 di nan. Asina prome minister Evelyn Wever a bisa como primicia den un entrevista cu noticiacla diadomingo anochi den e programa Noticiacla LIVE. E unico insigur ainda ta si Ady Thijsen of Ricky Hoek ta drenta. Esaki pasobra Ady Thijsen no ta sigur ainda si e ta drenta ainda segun e prome mandatario. Si sr Thijsen finalmente no drenta, e ora ta bay pa Ricky Hoek.  

KEN SI TA DRENTA SIGUR

Segun e prome minister, esnan cu ta drenta sigur ta e.o. Hendrik Tevreden, Arthur Vallejo, Edgar Vrolijk, Darlene Guedes, Alvin Molina, Setty Christiaans, Shailiny Tromp Lee. Sue Ann Ras segun secuencia mester a drenta pero segun sra Wever, el a opta pa no drenta Parlamento y sigui pa dirigi Sociaal Crisis Plan.  Den su caso, Marco Berlis ta tuma e posicion ey. Y si sr Thijsen no drenta, e ora ta sigui sr Ricky Hoek pa forma e 9 Parlamentarionan pa partido MEP. 

ADY THIJSENE prome mandatario a bisa cu a opta pa sr Thijsen haci un otro trabou cu no ta Parlamentario y lo wordo miho sirbi eynan. E decision final te cu diadomingo, no tabata tuma ainda, te asina leu cu ta conoci.