Na Hulanda lo elimina ‘distancia social’ fin di luna awor

DEN HAAG – Entrante 25 di September proximo na Hulanda, ciudadanonan Hulandes no mester tene distancia mas di 1 meter y mei, pero si varios lugar di horeca, cinema y teatro mester mustra un prueba di vacunacion contra corona. Esey ta e decision cu gabinete Hulandes a tuma diadomingo durante nan reunion den Catshuis, cu ta e cas gubernamental Hulandes. Den transporte publico, tapaboca ta keda obligatorio. Pero riba stacion y parade di bus y trein no mas. No ta suavisa e orario di horeca tampoco, particularmente clubnan nocturno, unda cu clubnan ta keda cera entre mei anochi y 6 or di mainta. Pa concierto no tin medida anuncia of dicidi ainda. 

DEPORTE

Den stadionan unda cu tin wega professional di futbol unda cu tin cu paga pa wak wega, esaki por yega full atrobe, contal cu e fanaticonan por mustra un prueba di vacuna of un test negativo.