Na Hulanda lo elimina ‘distancia social’ fin di luna awor

Na Hulanda lo elimina ‘distancia social’ fin di luna awor

Posted on 09/12/2021 4:33 pm AST | Updated on 09/12/2021 4:35 pm AST

DEN HAAG – Entrante 25 di September proximo na Hulanda, ciudadanonan Hulandes no mester tene distancia mas di 1 meter y mei, pero si varios lugar di horeca, cinema y teatro mester mustra un prueba di vacunacion contra corona. Esey ta e decision cu gabinete Hulandes a tuma diadomingo durante nan reunion den Catshuis, cu ta e cas gubernamental Hulandes. Den transporte publico, tapaboca ta keda obligatorio. Pero riba stacion y parade di bus y trein no mas. No ta suavisa e orario di horeca tampoco, particularmente clubnan nocturno, unda cu clubnan ta keda cera entre mei anochi y 6 or di mainta. Pa concierto no tin medida anuncia of dicidi ainda. 

DEPORTE

Den stadionan unda cu tin wega professional di futbol unda cu tin cu paga pa wak wega, esaki por yega full atrobe, contal cu e fanaticonan por mustra un prueba di vacuna of un test negativo. 

  • Combersacionan entre informador Remkes y partidonan VVD, D66 y CDA ta sigui otro siman

    Combersacionan entre informador Remkes y partidonan VVD, D66 y CDA ta sigui otro siman

    ORANJESTAD – Combersacionan entre informador Remkes y partidonan VVD, D66 y CDA ta sigui otro siman. Asina informador Remkes a bisa despues di a reuni den fin di siman na Hilversum cu e respectivo lidernan. E ta papia di bon combersacion pero e hechosnan di siman a ‘complica’ e trabou. E ta papia aki di e mocionan di desconfiansa den Tweede Kamer y e retiro di ministernan Kaag y Bijleveld riba e retiro di trupa Hulandes for di Afghanistan. Esey a haci hopi dolo politico. 

  • Minister Hulandes Kaag (D66) a entrega su retiro despues di un mocion di desaprobacion

    Minister Hulandes Kaag (D66) a entrega su retiro despues di un mocion di desaprobacion

    DEN HAAG – E minister demisionario Hulandes di Relacionan Exterior Sigried Kaag a retira despues cu Tweede Kamer a aproba un mocion di desaprobacion contra dje diahuebs. Esaki pa e forma con el a trata e retiro di trupanan Hulandes for di Afghanistan recientemente. Minister di defensa Ank Bijleveld tambe a haya uno, pero e si ta keda. “Mi no por haci otro. E camber a dicidi cu mi a actua iresponsabel., Mi no por haci otro cu asumi e consecuencianan. Un minister tin cu baha ora cu su maneho wordo desaproba” e mandatario a bisa. E ta bay entrega su retiro cerca Rey Willem Alexander awor. E ta keda participa si cu e formacion di un gabinete nobo. 

  • Reina Maxima a fractura su man drechi

    Reina Maxima a fractura su man drechi

    DEN HAAG – Reina Maxima e zomer aki a fractura su man drechi. Asina e servicio di informacion gubernamental Hulandes a informa. Esaki a bin na superficie ora cu e Reina tabata invitado na apertura di un supercomputer na Amsterdam y por a mira su man den gips.  Con e Monarcha a fractura su man y ki parti di e man ta kibra exactamente, no ta conoci.

  • Formador Remkes kier explora formacion di gobierno e weekend aki cu partidonan VVD, CDA y D66

    Formador Remkes kier explora formacion di gobierno e weekend aki cu partidonan VVD, CDA y D66

    DEN HAAG – Formador Hulandes Johan Remkes ta bay explora e fin di siman aki pafo di Den Haag, si tin posibilidad pa formacion di un gobierno entre partidonan VVD, D66 y CDA. E ta papia cu e lidernan di e respectivo partidonan na Hilversum. E combersacion segun Remkes, por yuda na un aumento di confiansa mutuo. Den un carta, e ta bisa cu esaki ta e unico forma cu por sali for di e impasse actual y busca for di e forma di contenido, con por ehecuta e tarea cu el a haya impone p’e door di Parlamento Hulandes. Cu e invitacion pa e partidonan, no ta un garantia cu lo forma un gobierno cu e partidonan specifico aki, Remkes a clarifica. Ya tin 6 luna cu eleccion a tuma lugar y cu ta purbando na forma un gobierno.

  • Na Hulanda, discoteca y clubnan nocturno ta haya suavisacion di regla di Covid fin di luna

    Na Hulanda, discoteca y clubnan nocturno ta haya suavisacion di regla di Covid fin di luna

    AMSTERDAM – Discoteca y clubnan nocturno por keda habri te mei anochi, entrante 25 di September proximo. Asina fuentenan di gobierno ta raporta. Diamars merdia (ora di Aruba) gabinete Rutte lo informa di esaki oficialmente den un conferencia di prensa. Pa discoteca y clubnan noctiurno ta conta e mesun regla cu pa henter sector di horeca. Esey ta nifica cu bishitantenan mester tin un prueba di vacuna contra Covid19. Ademas e gabinete lo anuncia cu ora cu tin un contagio di un alumno, no ta henter e klas mester bay den cuarentena. Y riba scolnan no mester bisti tapaboca mas. Den transporte publico si e ta keda obligatorio. Conciertonan tambe ta possible atrobe, pero cu 75% di capacidad di publico y cu prueba di vacuna of test negativo di coronavirus.  

  • RIVM: Situacion den hospital pa Covid19 na Aruba ta keda alarmante

    RIVM: Situacion den hospital pa Covid19 na Aruba ta keda alarmante

    AMSTERDAM – E situacion den hospital pa Covid19 na Aruba ta keda alarmante. Asina e rapport mas recien di Rijks Instituut Volksgezondheid & Millieu (RIVM) ta bisa.  Mientras cu ciudadanonan di islanan CAS (Corsou, Aruba y St Maarten) y BES (Bonaire, Saba y Statia) a conoce un reduccion di 14% di contagio, Aruba ta lidera cu e cantidad di mas hopi ainda (293). Asina e rapport di e siman aki RIVM ta continua bisa.   

  • Powered by SETAR