Hugo “El Pollo” Carvajal deteni atrobe na Spaña y cla pa extradite pa Merca

MADRID – Polis Spaño diahuebs anochi a detene e conocido ex general Venezolano Hugo “El Pollo” Carvajal, pa extradite pa Merca. No ta prome biaha cu ta detene pa e motibo ey. Carvajal tabata general military y ex hefe di servicio di inteligencia, y a keda deteni na 2019 caba pero el a ‘perde’ durante un periodo di libertad condicional. Awor cu e ta deteni atrobe y cu su extradicion ta aproba caba, su extradicion ta sigur. 

ARUBA

Tabata na juli di 2014 cu Carvajal a keda deteni riba peticion di Merca, pero despues di algun dia riba insistencia di Hulanda, a keda libera pero expulsa di e isla, cu e titulo di ‘persona non grata’. E lo mester a bira e proximo consul di Venezuela pero esaki nunca a keda aproba. Potret cortesia NTN24.