RIVM: Situacion den hospital pa Covid19 na Aruba ta keda alarmante

AMSTERDAM – E situacion den hospital pa Covid19 na Aruba ta keda alarmante. Asina e rapport mas recien di Rijks Instituut Volksgezondheid & Millieu (RIVM) ta bisa.  Mientras cu ciudadanonan di islanan CAS (Corsou, Aruba y St Maarten) y BES (Bonaire, Saba y Statia) a conoce un reduccion di 14% di contagio, Aruba ta lidera cu e cantidad di mas hopi ainda (293). Asina e rapport di e siman aki RIVM ta continua bisa.   

HOSPITAL

No obstante e reduccion aki, tin casonan halto di contagio bou di esnan vacuna (doorbraak infecties) y esnan no vacuna. ‘E situacion den hospital tambe ta keda alarmante’, e rapporta ta sigui bisa. Eynan (hospital) e cantidad di adulto no vacuna ta forma mayoria di esnan hospitalisa den ICU. 

E VARIANTE MU

Loke ta interesante tambe ta cu e variante nobo MU, su presencia a cuminsa disminui, mirando cu e luna aki a detecta esaki apenas 9 biaha riba nos isla, compara cu 87 biaha entre mei y augustus di e aña aki. Mu ta e variante cu aworaki ta wordo papia mas di dje y cu e lo ta e siguiente pa tene cuenta. Semanalmente riba diahuebs, RIVM ta saca su rapport di e islanan Hulandes Caribense riba e aspecto di Covid19. Por lesa e rapport original AKI.