Kiwanis Club of San Nicolas a tene su di dos Kids Summer Camp

SAN NICOLAS - Kiwanis Club of San Nicolas   a tene su di dos “KCSN Kids Summer Camp” pa muchanan na Teresita Center den augustus. Un camp organisa tur anja pa muchanan entre 6 cu 12 aña. E camp aki tawata uno exitoso y masha gusta door di e muchanan. Tawata tin hopi voluntario cu a yuda pa supervisa y guia e muchanan durante e dianan di e camp. Tur voluntario a pasa un training pa asina por a sa di guia y yuda e muchanan durante e camp.

- Dia 1 tawata dia di Arte & Creatividad, unda cu e muchanan por a presenta nan obra di man den forma di “Show & Tell” riba stage pa asina tambe sinja con pa duna presentacion & papia den publico

- Dia 2 tawata dia di Musica & Baile, unda cu e muchanan por a sinja composita nan cantica, sinja canta y baila pa asina expresa nan mes

- Dia 3 tawata dia di Sport, unda cu e muchanan a bai Joe Laveist Sport Park pa diferente wega y ehercicio pa e muchanan keda activo y sinja e importancia di un bida saludabel & activo den sport

- Dia 4 tawata Movies & Graduation day, unda e muchanan por a disfruta di un pelicula di mucha nobo, por a disfruta y celebra cu nan a gradua di e camp educativo y entretenido aki

KCSN ta enfoca ariba educacion & liderazgo di nos muchanan y hoben nan pa asina nan por surpasa cualkier obstaculo cu nan por encontra y duna nan e herment nan necesario pa por sobresali den nos comunidad den futuro. Nos kier a extende nos palabra di gradicimento na tur e voluntarionan cu a duna un siman di nan vakantie pa asina por a dedica na e muchanan. Tambe nos kier a gradisi CEDE Aruba cu a yuda hasi e camp aki posibel pa asina e muchanan aki por a hanja e oportunidad di a bai un camp, cual pa hopi di e muchanan tawata nan prome biaha.