Guus Hiddink a informa federacion di futbol di Corsou cu e no ta sigui como nan entrenador

AMSTERDAM – Entrenador di futbol Guus Hiddink (74) ta retira como entrenador di futbol, y cu esaki tambe retira e ora como entrenador di e seleccion di Corsou. Asina e portal Hulandes nu.nl ta raporta. Esaki no obstante e hecho cu e tin un contracto cu Corsou te fin di 2022. Pero e la papia cu e presidente di e federacion di futbol di Corsou diaranson y a dicidi cu e ta stop ‘per direct’. E ta splica cu cos no a bay bon cu e cualificacion pa Copa Mundial, y durante e Copa di Oro, tabatin problema cu Covid19, (e mes a test positivo na april di e aña aki), y nan a yega na e conclusion pa miho e stop. Y cu esaki e ta stop completo como entrenador, pues ta pone un fin general na su carera.