Dialuna ta cera parti di caminda principal San Nicolas-Playa

ORANJESTAD - Entrante dialuna 13 di september 2021 for di 9’or di mainta pa 4’or di atardi, lo bay cera caminda principal di San Nicolas pa Oranjestad, na haltura di Brug di Peaton na Pos Chikito pa trabounan di mantencion di e brug. Duracion di trabou lo ta aproximadamente 4 siman.   San Nicolas pa Playa lo wordo cera pa 2 siman, despues Playa pa San Nicolas lo wordo cera pa dos siman. DOW,C.I.C. N.V. y KPA ta pidi pueblo di Aruba y tur automobilista pa tene cuenta cu e desviacion aki y e inconveniencia cu lo por surgi pa cual nan ta pidi nos disculpa y ta gradici pa e comprension y cooperacion.