Total di 15 trahado (3 docente) di scolnan na Miami a muri di Covid19 den 10 dia

MIAMI – Un total di 15 trahado di scolnan publico di Miami a muri di Covid19 den e ultimo 10 dianan. Di e 15, 3 tabata docente di scol. Tambe a informa cu ningun di nan tabata vacuna. No ta conoci si a contrae e virus prome cu scol a inicia dia 23 di augustus ultimo. No obstante e aumento di casonan, e gobernadora di e estado Ron DeSantis a firma un ley, prohibiendo passport di vacuna y a usa su poder ehecutivo pa prohibi scolnan pa enforsa uso di tapaboca pa alumnonan. E scolnan ta retando e ley aki y gobernadora a dal bek, menasando di retene e salario di esnan cu no cumpli cu su ley. Ademas ta planea pa impone multa di 5 mil dollar pa cualkier scol of negoshi cu ta cuminsa rekeri nan bishitantenan pa tin prueba di vacuna. 

Den e ultimo 7 dia, a raporta no menos cu 129 mil caso positivo di Covid19 den e estado, aumentando e total na mas di 3 miyon caso.