Studiante di 15 aña na Corsou: ‘Polisnan a pone mi kita sunu y buk nan dilanti’

Studiante di 15 aña na Corsou: ‘Polisnan a pone mi kita sunu y buk nan dilanti’

Posted on 09/8/2021 11:22 am AST | Updated on 09/8/2021 11:22 am AST

WILLEMSTAD - Polis ayera a tene kontròl na un skol di VSBO kaminda a kita algun hóben sunú, manera nan a bisa pa chekeo mas riguroso. E kontròl sinembargo, di e forma ku el a bai, parse no ta ku konsentimentu ni di dosentenan i ménos di mayornan di e alumnonan ku ta menor di edat.

Un di e studiantenan ku a pasa den e kontròl bergonsoso aki, un hóben di 15 aña ku ta bishitá Marnix VSBO na Cas Cora, a konta redakshon di EXTRA su eksperensia amargo. E hóben a indiká ku mainta e polisnan a yega skol i a indiká ku lo tene un kontròl riba arma i droga. A kuminsá kontrolá tur mucha den kada klas miéntras ku tambe a kontrolá den nan tas di skol. Henter e skol ku ta konsistí di algu mas ku 500 alumno mester a pasa den e kontròl aki. E hóben a sigui bisa EXTRA ku despues ku a kontrolá tur mucha den kada klas, a saka algun mucha for di kada un di e klasnan i a bai den un área separá ku nan.

Einan tabata hinka e hóbennan  dos dos den e kamber di dosentenan, pa un kontròl mas riguroso. Promé ku esei, segun e studiante aki ta bisa EXTRA, na niun momentu a indiká na nan kiko lo bai tuma lugá den e kamber. Unabes ku e muchanan a pasa paden, e agentenan a indiká na nan ku nan mester kita nan paña kompletu. Pues ku otro palabra, e muchanan a keda blo sunú dilanti e agentenan i tambe dilanti e otro mucha ku a drenta den e kamber pareu. Ora ku nan a kita sunú, e agentenan a bisa nan pa bùk dos biaha.

Segun e alumno di 15 aña ku nos a papia kuné, e agentenan a bisa ku e parti di bùk tabata pa wak si algu lo kai. I komo esaki no tabata sufisiente, asta e hóben a keda ofendé pa e polisnan. Ta trata di un polis di fam R, ku den e kontròl a bisa e hóben di 15 aña ku ta yu di un fotógrafo di prensa tambe. “Abo ta Welvaart no?, kiermen abo ta yu di lancha, pues bo mester ta bende droga na skol”.  I miéntras e polis enkuestion tabata bis’é esei, e tabatin e kriatura na su krag di polo tene.

E hóben tur humiá a puntra e polis dikon a rank’é na su krag di e forma ei, pero no a haña kontesta. NOTA: Text skirbi den Papiamento fonetico di Corsou.

 

  • Na Corsou, CORC lo inverti 1 biyon den refineria den 3 pa 5 aña

    Na Corsou, CORC lo inverti 1 biyon den refineria den 3 pa 5 aña

    WILLEMSTAD - Den e negosiashonnan ku CORC ta tene ku gobièrnu i Refineria di Kòrsou tin di tene kuenta ku hopi aspekto, i un di esnan prinsipal tin relashon ku e pèrmit di molèster. Tin di tene kuenta pa motibu ku ta invershonnan grandi tin di hasi na momentu ku firma. Mester tin klaridat riba e pèrmit di molèster ku ta kaduká na desèmber 2024, pasobra na momentu ku esei kaduká ta trese kuné ku tur hende por mira tur kos i lo por duna nan komentario i opheshon. Asina sr. de Freitas di e tim di CORC a duna di konosé durante nan presentashon ayera den Parlamento di Kòrsou.

  • Na Corsou a mata homber, mara barranca na pia y tire den pos

    Na Corsou a mata homber, mara barranca na pia y tire den pos

    WILLEMSTAD  - E curpa sin bida, den estado di descomposicion na Corsou ta un caso di asesinato. Asina e portal Extra ta raporta awe mainta. Ta trata di un curpa haya den un pos na Bonam, unda cu a mara un barranca na e pianan di e victima y tire den e pos. manera informa ta bisa cu ta un caso di asesinato cruel.

  • Na Corsou, Corc BV pronto kier finalisa negosacionan pa opera refineria

    Na Corsou, Corc BV pronto kier finalisa negosacionan pa opera refineria

    WILLEMSTAD - E konsorsio lokal CORC BV ta spera di pronto por anunsiá di ta kla pa tuma operashon di Refineria Isla. Informashon ku EXTRA ta disponé di dje ta indiká ku tin diferente konsepto final di kontratonan riba mesa ku mester firma.

  • Corte na Corsou: Exclusion matrimonio mesun sexo ta contra principio di igualdad

    Corte na Corsou: Exclusion matrimonio mesun sexo ta contra principio di igualdad

    WILLEMSTAD - Den buki di derecho civil di Corsou ta stipula cu un matrimonio por ser contrea unicamente entre un homber y un muher. Den su veredicto di dialuna 13 di September 2021 sinembargo na Corsou, Corte di Prome Instancia a dicidi den un caso cu Human Rights Caribbean a haci contra gobierno di Corsou, cu e determinacion aki ta bay contra e principio di igualdad y prohibicion di discriminiacion registra den articulo 3 di Areglo di Estado (Constitucion di Corsou). Segun Corte, no ta existi hustificacion pa nenga matrimonio civil na parehanan di mesun sexo, sigur ora no tin sistema legal comparable manera un relacion di pareha registra. Den e veredicto Corte a para keto na e crecemento di aceptacion social pa loke ta trata relacionan afectivo entre hende homber cu hende homber y hende muher cu hende muher. Esaki ta sosode mundialmente, tambe den nos region y na Corsou. Corte a mustra riba e posibilidad pa personan di mesun sexo contrae matrimonio den paisnan manera Colombia, Brazil, Argentina, Mexico, Bonaire y tambe Florida. Corte a elabora cu ta e legislador ta dicidi si ta tuma e medidanan desea pa por anula e discriminacion ilicito.  Lesa e sentencia AKI. 

  • Na Corsou a pone 7 polis riba ‘non’ actief pa nan actuacion di control na un scol

    Na Corsou a pone 7 polis riba ‘non’ actief pa nan actuacion di control na un scol

    WILLEMSTAD.- Kuerpo Polisial un biaha mas ta den lus negativo ku 7 miembro riba “Non aktief”. For di siman pasá djamars ku a surgi e kontròl na Marnix, tabatin basta mal kontentu ku e manera ku e kontròl aki a kana. Henter e situashon a bira un trouma pa tantu e studiantenan i tambe personal di e skol. E skol mester a keda será dos dia pa asina por a atendé ku tur esnan envolví.

  • Grupo di 5 piscado deteni pa un aña na Venezuela, a bolbe Corsou

    Grupo di 5 piscado deteni pa un aña na Venezuela, a bolbe Corsou

    WILLEMSTAD - E grupo di 5 piskadó ku tabata detené na Venezuela pa 1 aña i mei, finalmente a yega Kòrsou djasabra atardi despues di intervenshon di gobièrnu di Reino serka gobièrnu venezolano, riba un buelo di e aerolínea Laser Airlines.

  • Powered by SETAR