Rutte: Bishita di presidente Surnameño Santokhi na Hulanda ta historico

DEN HAAG – E relacion entre Hulanda y Surnam ta completamente restaura. Asina premier demisionario Hulandes Mark Rutte a bisa despues di su reunion cu e presidente Surnameño Santokhi. E ta e prome bishita di un presidente Surnameño desde 2008. A bisa si cu lo no reuni cu e vice presidente Ronnie Brunswijk cu a keda setencia na Hulanda pa traficacion di droga. Den oranan di mainta, Santokhi a reuni cu Rey Willem Alexander na Palacio Noordeinde. E ultimo biaha cu un presidente Surnameño a bishita Hulanda tabata na 2008 cu tabata Ronald Venetiaan. Su successor Desi Bouterse nunca a yega Hulanda, debi cu e ta sentencia den ausencia pa traficacion di droga y ta wordo ‘busca’ pa Interpol. E bishita di Santokhi ta pa fortifica e relacion cu e pais Latino Americano mirando cu tin mas of menos 350 mil Surnameño biba na Hulanda.