Un di e siguidornan mas fiel di Noticiacla, Roberto Geerman ta hospitalisa

ORANJESTAD – Un di e siguidornan mas fiel di noticiacla esta colega den media Roberto A. Geerman(62) a keda hospitalisa cu urgencia dialuna mainta. Pa algun dia caba luna pasa e la bisa nos cu su salud no tabata mucho bon, pero a sigura nos cu no tabata trata di Covid19.  Mientrastanto, a transporta Roberto cu urgencia pa hospital, unda cu e ta interna. Tabata impresionante pa mira e cantidad di mensahe (sigur di parti di coleganan den media) cu a manda palabra di forza y pronto recuperacion p’e. 

FIEL NA NOTICIACLA

Roberto ta un di e lectornan/fanatico mas fiel y pendiente cu noticiacla tin pa varios aña caba. Den su edicionan di noticia di mainta na Radio Galactica, tur mainta e tin cu cita por lo menos dos pa 3 noticia di e portal aki. Ademas di ta fiel, e ta uno hopi critico y ora cu algo falta of no ta corecto, mesora Robert ta recorda nos di esaki. Tambe si e tende algo, e ta make sure cu nos tin esaki tambe of caba. Roberto, get well soon!