Hoben cu a saca selfie cu Memphis Depay riba tereno, a haya multa di KNVB

EINDHOVEN – E hobencito di 13 aña Amin Aktaou cu a subi tereno di futbol diasabra pa saca un selfie cu su idolo Memphis Depay ta haya un multa di placa y un prohibicion di drenta stadion. Asina e organisacion oficial di futbol Hulandes KNVB a bisa diamars. Inicialmente e prohibicion ta di 5 aña di no por drenta ningun stadion di futbol, pero den su caso lo reduci esaki na 15 luna probablemente. Pa loke ta multa di placa, esaki mester ta 450 euro pero lo reduci esaki na 100 euro. Asina e mayornan di Amin a tende di KNVB. 

MAS HENDE

No ta Ali so sino por lo menos 15 otro fanatico a subi tereno cu lo mester haya e multa aki. Unabez cu Ali a haci e acto, el a bira popular y a wordo entrevista multiple biaha pa prensa Hulandes. E ta conciente di su fayo, pero no tin duele di a haci loke e la haci. Ta su mama a ret’e, y awor e mama sa cu nunca mas e no tin cu reta su yiu. Cu e multanan impone, KNVB kier mustra cu no ta pa nada tin regla. Y ni maske con chistoso e acto di Amin a mustra, esaki ta algo serio y contra ley.