Maneho nobo posecion di arma y municion ilegal Corsou, St Maarten y BES

WILLEMSTAD - Entrante 1 di mart 2015 e Ministerio Publico di Sint Maarten, Corsou i islanan BES ta bai hasi uso di e directiva nobo den cual ta bai tene cuenta entre otro cu residivismo como un manera importante pa husga e sircunstancia mas pisa. Pa enfatisa? e maneho di Ministerio Publico, pa reduci violencia i pa alaves mehora e seguridad di e ciudadano, a adapta? na prome luga e directiva cu ta regarda posecion di arma ilegal i publica esaki. Posecion di arma di candela ilegal na Sint Maarten, Corsou i islanan BES ta motibo di precupacion. Esaki a bira bon cla despues di e accionnan “Ta Basta Awor” na Corsou i “Stop, Drop & Go” na Sint Maarten na unda a entrega i despues a confisca cantidadnan grandi di arma di candela ilegal. Durante e accionnan a anuncia? cu ta bin cu demandanan mas halto pa posecion ilegal di arma di candela.

FISCALNAN

Fiscalnan di Ministerio Publico no ta bai wak solamente e aspecto di residivismo ora ta trata? posecion di arma di candela ilegal, pero tambe den caso cu ta trata di residivismo pa delitonan mas violento. E motibo pa esaki ta den e consideracion cu un arma den man di un persona cu un pasado violento ta un peliger (mas) grandi pa comunidad. Tambe ta tene na consideracion si e posecion di arma di candela a tuma luga den kaya, a ser uza den oranan di anochi of marduga of durante evenemento of festividadnan publico. Tambe ta tene cuenta cu e cantidad di arma illegal cu un persona tin den su posecion. Na momento por ehempel cu ta detene un persona cu dos arma di candela ilegal, ta bai hasi demanda dos biaha e castigo cu un persona cu solamente un arma di candela. E publicacion i uso di e directiva ta promove transparencia i ta percura pa casonan igual keda husga igual.