Banco Central di Corsou y St Maarten a bira victima di atake cibernetico

WlLLEMSTAD – Banco Central di Corsou y St Maarten (CBCS) a bira victima di un atake cibernetico. E instituto financiero a confirma diadomingo, cu diahuebs ultimo e ‘atake’ aki a tuma lugar. Segun e banco, mesora nan a inicia un investigacion completo cu ayudo internacional. Nan ta sigura cu for di e momento ey, nan a tuma tur extra medida pa sigura tur data y restaura e integridad di e sistema. Ainda CBCS ta trahando pa identifica cua data a keda afecta. Segun informacion preliminar, ta mustra cu e plataforma di e sistema di pago no a keda afecta. Tambe a informa cu comunicacion via email y telefon remoto a keda desactiva como medida di precaucion.