Elliott Loonstra a bay basta bon na Weganan Paralimpico na Japon

TOKYO – E unico atleta paralimipico di Aruba cu a participa na e Weganan Paralimpico na Tokyo, Japon, a mira accion diasabra mainta ora di Tokyo. “Elliott a bay basta bon” su chef de mission Shardea Arias a bisa noticiacla diasabra. “E prome competencia el a poerde 32-23 contra Marueco. Y den su di do competencia e mester a bringa contra Costa Rica unda cu e la perde 16-3. Costa Rica a sigui pa bringa pa brons, pero no a gana esaki. 

E TRAYECTORIA DI ELLIOTT

Elliott a logra yega na e weganan Paralympico cu un ranking di number 16. Y a hanja un invitacion bipartite pa competi na e weganan aki. “ Nos ta hopi orguyoso di wak e desaroyo den Elliott su carera como atleta di Para-Taekwondo. E ta e unico den su categoria na Aruba. Despues di a bai varios competencianan y training pa 3 luna na Brazil y na Gran Britania pa prepara pa e weganan aki (tur gasto cubri pa su mes). Nos ta wak un progreso y desaroyo den Elliott” sra Arias a sigui bisa. “ Cada competencia e haci e ta gana mas experiencia y por prepara mihor pa e weganan na Paris 2024. Nos ta spera di wak hopi cos bon di Elliott. Y ta sigur cu e lo haci tur cu por pa sigui desaroya den deporte di Para-Taekwondo” Arias a finalisa bisando.