Menasa serio pa atake terorista den centronan comercial mericano

WASHINGTON – Departamento di seguridad nacional di Merca a alerta tur hende di un menasa serio pa actonan di teror den centronan comercial mericano. Specificamente 'Mall Of America' den e estado di Minnesota. Di otro banda, a indica cu e menasa ta conta pa tur mall na Merca, Inglatera y Canada. E noticia aki ta hala atencion den sentido cu hendenan di Aruba y region gusta biaha pa Merca y haci nan compras den e centro comercialnan popular, particularmente na Florida. E minister encarga cu e seguridad nacional Jeh Johnson a sigura cu mientras cu e menasa ta serio, e no kier pa hende stop di haci compras na e centro comercialnan na Merca. E grupo cu a haci e menasa, ta uno basa na Somalia, al-Shabab, responsabel pa e atake di e centro comercial Westgate na Nairobi na 2013, cu a laga 67 hende morto.