Knops: Corsou finalmente a acepta version adapta di COHO, sin reservacion

DEN HAAG – Despues di un reunion urgente interno di gobierno di Corsou, e isla finalmente a bay di acuerdo, -sin reserva-, cu e COHO 2.0, osea e version ‘adapta’ di e ley diabierna. Asina secretario di estado Hulandes Raymond Knops ta raporta. Prome cu esey, mester a suspende e Rijks Minister Raad basta rato pa por a atende e situacion un rato cu Corsou. Aruba y St Maarten ya a duna nan aprobacion caba. Ta Corsou a bolter e situacion ultimo ora. 

BRUHAMENTO

Tabata un anochi prome ora cu e minister di finanza Javier Silvania a haci declaracion na radio cu su gobierno tabatin obhecion riba e version adapta, y cu e lo a mina autonomia di Corsou. Algo cu algun siman prome ainda, premier di e isla Gilmar Pisas a nenga y a acepta e version. 

SORPRENDI

Seun Knops, e ta alivia cu e situacion, pero a admiti di tabata no placenteramente sorprendi cu e declaracion anterior di Silvania. A suspende e reunion pa tende di Pisas mes si e palabracionan haci lo a keda vigente. Pisas despues a laga sa cu e ta sostene e version aki, sin reservacion.

CONSEHO

Awor lo manda e conseho aki pa Raad van State. Despues di esaki, lo mand’e pa e 4 parlamentonan di Reino Hulandes. Nan tin e derecho di duna nan comentario, y bay contra di e acuerdo segun Knops. Pero, esey lo nifica si cu lo para e ayudo di likides y e inversionan planea y cu mester cumninsa paga e fiansanan bek mesora.