RMR suspendi temporalmente pa haya aclaracion di Corsou riba COHO

DEN HAAG – E conseho di minister di Reino di awe mainta a keda suspendi na Hulanda, debi na falta di claridad riba e sosten di Corsou pa COHO, despues cu e minister di finanza di e isla Javier Silvania a declara na radio un dia prome cu gabinete Pisas ‘toch’ no ta satisfecho cu e contenido di COHO. Silvania ta na Hulanda unda cu e mester a presencia e reunuion aki. Vocero di secretario di estado pa Asuntonan di Reino Hulandes Raymond Knops, Emile Vaessen a confirma esaki pa noticiacla awe mainta. “Mester haya aclariacion awor for di Corsou riba e tema aki. E reunion enberdad ta suspendi, pero ta premira cu pa awe mes lo termina e reuni incluyendo e tema aki” Vaessen a sigura e portal aki. COHO tabata un di e temanan di e reunion di awe mainta unda cu esaki lo a afecta tanto Aruba, Corsou y St Maarten.