Popular banda Sueco ABBA ta lansa album nobo despues di 40 aña!

LONDON – Despues di casi 40 aña, e grupo Sueco ABBA ta produci un album completamente nobo. E ta keda lansa dia 5 di November y tin te hasta un cantica di Pasco ariba. Esey nan a anuncia diahuebs durante un evento grandi na London. Durante e evento, dos di e integrantenan, Benny Andersson y Björn Ulvaes a splica nan ‘comeback’. Esaki tabata pa keda anuncia inicialmente na 2018 pero a pospone esaki cada biaha. E presentacion lo ta uno super moderno. 

PAUZE

Despues di nan ultimo exito The day before you came na 1982, nan a anuncia un pausa. E pausa aki a dura 40 aña. Cada integrante ya ta riba 70 aña di edad. E idea a cuminsa cu dos cancion segun Benny Andersson (74). E la bay asina bon cu el a puntra Björn pakico no ta traha henter un album. E interesante ta cu tur tabata casa cu otro. Björn tabata casa cu Agnetha Fältzkog te 1978 y Benny cu Frida te comienso di aña 80. E separacion a produci e cancion ‘The Winner Takes It All’, y tambe a bira e kiebro di e banda.