Na Corsou a cancela yegada di Sinterklaas e aña aki y marcha di Carnaval di otro aña

WILLEMSTAD – E aña aki no tin celebracion di San Nicolas (Sinterklaas) y otro aña no tin celebracion di Carnaval na Corsou. Asina minister Sithree van Heydoorn a anuncia diahuebs durante un conferencia di prensa di gobierno. “Ta cancela celebracion di San Nicolas y Carnaval” tabata e mensahe textual cu a bin. E motibo cu lo no tin carnaval y tampoco celebracion di Sinterklaas na Corsou ta debi na e pandemia Covid19. Y consehonan ricibi ta mustra cu ta considera e dos eventonan aki como superspreader events. A dicidi cu gobierno no ta bay gasta placa na e eventonan aki. A specifica cu ta papia aki di e yegada di Sinterklaas y tambe e marchanan di carnaval. Si cos cambia, no ta descarta cu por tin cambio den esaki. Potret cortesia di DolfijnGOfm.com