Wever: A bisa mediador caba cu mester warda minister di enseñansa nobo pa atende e caso di SKOA

ORANJESTAD – Minister presidente Evelyn Wever Croes ta puntra su mes, kico a cambia di ayera pa awe, cu awor no tin scol, ta un pregunta pe. Asina e prome mandatario a reacciona pa noticiacla diaranson atardi riba e impasse cu tin cu SKOA cu a pone cu 46 scol no por a habri awe. Specificamente como reaccion riba e declaracion di e mediado di gobierno, e mandatario a sigura e portal aki cu Conseho di minister a atende e proposicionnan di mediador Pontilius y a informa SKOA riba esaki caba algun siman atras. “ Nos a expresa nos disponibilidad pa yega na un acuerdo” e mandatario a sigui bisa.

RESPONSABILIDAD MINISTERIAL INDIVIDUAL

Segun e prome mandatario, e hecho ta keda cu na Aruba nos conoce responsabilidad ministerial individual  y cu ta e minister di enseñansa so por tuma decision den e caso aki. :”Mi a splica SKOA y mi a splica mediador cu e unico forma ta pa warda un minister di enseñansa nobo, pa atende cu e caso. Kiko a cambia di ayera pa awe, ta keda pami un pregunta” e mandatario a sigui bisa. “ En todo caso, desde ayera pa awe, nos no tin minister nobo ainda y e unico cu por atende e problematica aki awor - si en caso SKOA insisti cu ta awor e mester wordo atendi - ta minister Lampe. Pesey mi a instrui minister Lampe pa atende cu SKOA pa evita di perhudica nos muchanan y hobennan debi na malentendido di adultonan” e mandatario a sigui bisa. “Ami ta keda disponible, asina cu tin un minister nobo, di intermedia un biaha mas pa e problema di SKOA wordo soluciona ‘for once and for all’” e mandatario a finalisa bisando.